بدخشان ده اوزبیک شاعری و یازووچیسی محمدنسیم نسیم نینگ «فراق‌نامه» اسملی کتابی، مذکور ولایت فرهنگی‌لری، شاعرلر، یازووچیلر و بیر قطار یاش‌لر نینگ اشتراکی بیلن کورگزمه گه قوییلدی.
اوزبیک شاعری و یازووچیسی همده کتاب کورگزمه‌سی تشکیلاتچیسی مسعود تیموری نینگ سلام‌وطندار گه ایتیشیچه، اوزبیک شاعرلری و یازووچیلرینی قدرلش اوچون مذکور برنامه‌نی یولگه قویگنلر.
او نینگ کوپه‌یتیریشیچه: «البته داکتر نسیم اوشبو کتابی ده مملکت ده سیاسی، اقتصادی، اجتماعی و فرهنگی لحاظ دن جمعیت ده‌گی قیینچیلیکنی، اوزبیک و تاجیک قوم‌لری ارا اتفاق‌لیک مستحکم‌لنیشینی بیان قیلگن و بو کتاب ۱۴۰۲_ییلی امریکا قوشمه ایالت‌لری نینگ نیویارک شهری ده چاپ بولگن.»
بیزلرنینگ فیسبوک صحیفه‌میزگه باش اورینگ!
بدخشان ده‌گی فرهنگی‌لردن قطاری، مذکور برنامه یولگه قوییلیشینی خوش قرشی‌لب ایتیشلریچه، شاعرلر و یازووچیلر بوگل حمایت‌لر گه نیازمند دیر، اولر نینگ ترغیب قیلیش اوچون بو کبی فرهنگی برنامه‌لر یولگه قوییلیشینی ایجابی دیه بهاله‌گنلر.
بدخشان ده فرهنگی کیشی‌لردن بولمیش فردوس عالمی نینگ سلام‌وطندار گه ایتیشیچه، حاضرگی قلتیس شرایط ده بیر شاعر و یازووچی نینگ زحمت‌لری گه حرمت قیلیش اوچون بو گَل برنامه‌لر یولگه قوییلیشی مهم دیر.
اونگه کوره: «مملکت ده اوزبیک تیلی و باشقه تیل‌لر نینگ شاعر و یازووچیلرینی قوللب_قوتلش اوچون بو گَل برنامه یولگه قوییلیشی اونملی دیر، چونکه حاضرگی شرایط ده فرهنگی برنامه‌لر آز یولگه قوییله‌دی، شاعرلر و یازووچیلر نینگ ترغیب قیلیش اوچون بو کبی برنامه‌لر یولگه قوییلیشی مهم دیر.»
بدخشان ده اوزبیک ییگیت‌لریدن بیرقطاری، اوزبیک تیلی ده یازیلگن کتاب کورگزمه گه قویلیشینی خوش قرشی‌لب سلام‌وطندار گه ایتیشیچه، اولر بیرینچی مرته بو کبی برنامه گه اشتراک ایتگن شونی اوچون اوزبیک ییگیت‌لری آره‌سیده بو کبی فرهنگی برنامه‌لر یولگه قوییلیشینی طلب قیله‌دیلر.
بیزلرنینگ توییترده هم تعقیب قیلینگ!
بدخشان ده اوزبیک ییگیت‌لریدن بولمیش عبدالهادی اویغاغ گه کوره، اوزبیک نسلی اورته‌سیده بو کبی شخصیت‌لری بولیشی اولر اوچون کتته قوانچ دیر.
او نینگ کوپه‌یتیریشیچه: «اوزبیک و دری تیل‌لری ده یازه دیگن بو کبی کتته سرمایه‌میز بارلیگیدن خورسندمیز، اولرنی دستکله‌یمیز و اولردن هردایم منتدارمیز.»
اوزبیک شاعری و یازووچیسی محمدنسیم نسیم، فراق‌نامه ینگی اثرینی اوزبیک و دری تیلی ده یازگن و اوزی حاضر امریکا قوشمه ایالت‌لری نینگ نیویارک شهری ده حیات کیچیریب کیلماقده.
