فنلند و سویدن نینگ ناتو گه اعضا بولیش درخواستیدن بیر ییل اوتگچ، تورکیه پارلمانی فنلند نینگ شمالی اتلانیتک تشکیلاتی (ناتو) گه اعضا بولیش درخواستی گه مثبت آواز بیرگن.
معلومات‌لر اساسیده، تورکیه پارلمانی پنج‌شنبه کونی، ۱۰ حمل، فنلند نینگ ناتو گه اعضا بولیشینی آواز بیریش گه قویدی، نهایت تورکیه خلقی نینگ ۲۷۶ وکیلی فنلند نینگ درخواستی گه مثبت آواز بیرگنلر.
بیزلرنینگ فیسبوک صحیفه‌میزگه باش اورینگ!
ناتو باش کاتبی ینس استولتنبرگ، تورکیه نینگ اوشبو قرارینی خوش قرشی‌لب توییتری ده یازیشیچه: «بو قرار ناتو عایله‌سینی کوچلی و تینچ‌لنتیره‌دی.»
لیکن سویدن و فنلند، شمالی اتلانتیک تشکیلاتی گه اعضا بولیش درخواستینی قوشمه روشده بیرگن ایدیلر، حاضر هم سویدن نینگ تقدیری نامعلوم و تورکیه نینگ قرارینی کوتماقده.
تورکیه، سویدن نی اوشبو مملکت گه قرشی گروه‌لر دن حمایت ایتیش گه عیبلب، بو مملکت تورکیه خوفسیزلیگی خصوصیده دقت قیلیشی کیره‌ک دیگن.
بیزلرنینگ توییترده هم تعقیب قیلینگ!
شمالی اتلانتیک تشکیلاتی گه اعضا بولیش اوچون اوشبو تشکیلات نینگ برچه اعضاسی مثبت آواز بیریشی کیره‌ک.
اوتگن ییلی فنلند و سویدن، روسیه نینگ اوکراین گه هجومی دن کیین، ناتو گه قوشیلیش درخواستینی بیرگن ایدیلر.
