عرفان هزاره، ترکیه‌ده تیریک‌چیلیک قیله‌دیگن یاش افغانستان‌لیک نقاش دیر. او، افغانستان‌لیک، لیکن ایران‌گه کته بولگن. عرفان کم وقتده ترکیه مقام‌لری توجه‌سینی جلب قیلیب و یخشی جایگاه گه قول تاپگن. او، نقاشلیک آرقه‌لی، هنری‌نی ترکیه اهالی‌سی حضوری‌گه نمایش‌گه قویگن.
عرفان هزاره نینگ سلام‌وطندار بیلن اوتکزگن صحبتی‌گه ایتیشیچه: « مین ۷ یاشرلیگیم ده نقاشلیک بولیمی‌گه علاقمند بولدیم و بو ایش‌نی مدرسه‌دن باشله‌دیم و بیرقطار نقاشلیک بیلشوولرگه موفق بولیب و قطار جایزه‌لرنی قولگه کیلتیردیم و ذهنی و تصویری نقاش‌لیکلر آرقه‌لی اهالی توجه‌سینی جلب قیلدیم.»
عرفان ۹ یاشیده آته و آنه‌سی نینگ حمایتی آرقه‌لی ایران مملکت نینگ شهریار منطقه‌سیده بیر مدرسه ده نامی‌نی بیریب و ایکی ییل سعی و حرکت قیلگنیدن سونگ ۱۱ یاشرلیگی‌گه ایکی کورگزمه ده شرکت قیلگن. او، کم وقت ده نقاشلیک هنری بولیمیده کته یوتوقلرگه قول تاپگن.
عرفان هزاره کوپراق «قاره قلم» و «یاغلیک رنگ» اوستیگه ایش قیله‌دی و حاضرده ترکیه رسمی‌لر جمله‌دن انقره و باشقه بیرقطار ولایت‌لر حاکم‌لری و مهاجرلیک اداره‌سی مسووللری نینگ سیمالرینی نقاشلیک قیلیش بیلن کینگ شکلده تشویق ایتیلگن. اونینگ ایتیشیچه، نقاشلیک هنری‌نی کوپینچه هزینه‌سی بولگنی سبب، ایران ده قول ساتووچی‌لیک قیلیش‌گه مجبور بولگن.
عرفان تجربه قیلگن ناقانونی مهاجرلیک‌دن بونده‌ی ایته‌دی: «آته‌م نی افغانستان ده ایچکی اوروشلر وقتی ده‌گی قیینچیلیک‌لری ایران گه هم بیزلرنی قوییب یوبارمه‌دی و ۱۸ ساعت یول یوریش دن کیین ایران دن ترکیه گه مهاجرت قیلدیک. بیرینچی ده اقتصادی قیینچلیک باعث بیر ییل نقاشلیک دن اوزاق قالیب و ایش قیلیش گه زورلندیم. بنا قوریش ایشلری، خیاط‌لیک و قول ساتووچیلیککه یوز کیلتیردیم و بیر ییل و بیش آیدن کیین قیته‌دن بو رشته گه قیتیب و کاستامونو مکتب‌لریدن بیری گه اسمم نی رویخط گه بیردیم.»
عرفان هزاره حاضر ترکیه پایتختی ده انقره ده یشه‌یدی. اونینگ افغانستان کیله‌جگی اوچون یخشی برنامه‌لری بار. عرفان نقاشلیک هنری نینگ کورگزمه‌لری آرقه‌لی افغانستان سیماسی نی دنیا گه باشقه تورلی کورسه‌تیش اوچون حرکت قیله‌دی.
او حاضر یاش ییگیت دیر، بیراق اولکه برابریده‌گی دردلر و قیینچلیکلرنی مسئولیتلی کیشی‌لردن کوره یخشی‌راق درک قیلیشه‌دی. شونینگدیک عرفان سپورت گه یخشی یوتوقلرگه ایریشگن. اونگه کوره، «کاراته» بولیمیده فعالیت قیله‌دی. سپورت رشته‌سیدن کوپ مدال و تقدیرنامه‌لر قولگه کیلتیرگن.
ایتیش کیره‌ک کیم عرفان هزاره ترکیه ده مهاجرلیک تشکیلاتی دن باش پناه سوره‌گن و انقره ده مهاجرلیک تشکیلاتی نینگ حمایتی بیلن مذکور تشکیلات آرقه‌لی مدنیت‌لی مملکت‌لردن بیری گه قبول‌لنیشی نی کوتیب تورگن.
