ترکیه تشقی ایشلر وزیری مولود چاووش اوغلو نینگ ایتیشیچه، اسلامی امارت بیرگن وعده‌لریدن قطارینی حاضرگچه عملی قیلمه‌گن. او نینگ تأکیدلشیچه، اسلامی امارت دنیا جماعه‌چیلیگی تامانیدن رسمیت گه تانیلیشی اوچون لازم آدیم‌لرنی کوتاریشی کیره‌ک.
ترکیه آناتولی آژانسی نینگ گزارشی اساسیده، اوشبو مملکت تشقی ایشلر وزیری آنتالیا دیپلوماسی مجمع ییغینی یکونیده مطبوعاتی ییغینده اشتراک ایتیب، خبرچی‌لر نینگ سوال‌لری گه جواب ایتیشیچه، افغانستان نینگ وقتینچه‌لیک حکومتی بیرگن وعده‌لری گه عملی قیلیشی لازم.
بیزلرنینگ فیسبوک صحیفه‌میزگه باش اورینگ!
او اسلامی امارت نینگ دنیا همجمعیت تامانیدن رسمیت گه تانیلیشی مقصدیده آلیب باره‌یاتگن سعی-حرکت‌لری خصوصیده ایتیشیچه: «افغانستان نینگ نیازلریدن بیر بولیمی انسان پرورلیک یاردم‌لر دیر، بیراق باشقه بیر بولیمی باشقه مسئله‌لر گه باغلیق دیر.»
چاووش اوغلو، انتالیا ییغینیده اشتراک ایتیش اوچون اسلامی امارت تشقی ایشلر وزیرلیگی نینگ سرپرستی امیرخان متقی چقریلیشی گه عاید ایتیشیچه «افغانستان اوز مسئله‌لرینی دنیا بیلن شیریک قیلیش گه نیازمند دیر.» شونی اوچون اولر مذکور ییغینده قتنه‌شیش اوچون چقریلگن.
او نینگ تأکیدلشیچه، ترکیه اسلامی امارت دولتینی رسمیت گه تانیش اوچون شاشیلینچی یوق، «چونکه دنیا بویلب مملکت‌لر کبی اولرنی ایشلرینی کوزه‌تماقده.»
چاووش اوغلو شونینگدیک کابل خلق‌ارا هوا قونالغه‌سی خوفسیزلیگی تأمین ایتیلیشی، قطر و ترکیه نینگ قوشمه شرکتی شکللنیشی و اوچ مملکت پایتختی‌ده مذاکره‌لر بولیب اوتیشی باره سیده ایتیشیچه، بو توغریده اسلامی امارت بیلن اوشبو شرکت حاضرگچه بوتونلی کیلیشمه‌گن.
بیزلرنینگ توییترده هم تعقیب قیلینگ!
ترکیه تشقی ایشلر وزیری نینگ اورغولشیچه: «وقتینچه‌لیک دولت نماینده‌لری بیلن اوچره‌شوولرده، بو طرح فایده اوچون ایمس بلکه مذکور مملکت ترقیاتی اوچون ایکن‌لیگینی اعلان قیلدیک.» او نینگ کوپه‌یتیریشیچه، کابل هوا قونالغه‌سی باشقریلیشی اوستیگه کیلیشیلگن تقدیرده، مزارشریف، هرات و قندهار هو قونالغه‌لری باشقریلیشی، مذاکره‌لر نینگ مهم موضوع‌لری اوله‌راق ذکر ایتیلگن.
اوشبو سوزلر عین‌حالده بیان بولماقده که اسلامی امارت حکومتی شکللنیشی‌دن قریب ۷ آی اوتسه‌ده، لیکن هیچ بیر مملکت حاضرگچه رسمیت گه تانیمه‌گن. همه شمول حکومت شللکنیشی و بشر حقوقی تأمینلنیشی، اسلامی امارت رسمیت گه تانیلیشی اوچون دنیا همجمعیت نینگ اساسی شرط‌لریدن دیر، بیراق اسلامی امارت رسمی‌لری بو شرطلر اولرتامانیدن عملی بولگنینی ایتگن‌لر.
