بوگون “شنبه” نماینده‌لر کینگشی ۱۷- دوری نینگ و ۳ ییل ایشی باشله‌نیشی جریانیده مملکت جمهور رئیس محمداشرف غنی نینگ ایتیشیچه، قدرت‌نی انتقال بیریش اوچون اساسی یول سیلاو دیر. اونینگ کوپه‌یتیریشیچه، اساسی قانون و قدرت‌نی سیلاو آرقه‌لی انتقال بیریش بیر اصل دیر و معامله قیلینمه‌یدی.
جناب غنی گه کوره، استقلال و اهالی سرنوشتی اوزلری تامانیدن رقم اوریله‌دیگن دایمی و واقعی تینچلیک اوچون هرقنده‌ی فداکارلیککه حاضر دیر، لیکن اساسی قانون دن اوتمه‌یدی. مملکت جمهور رئیسی طالبان گروهی دن زوروانلیک‌نی کمه‌یتیریب و مذاکره گه حاضر بولیشینی سوره‌گن.
عین‌حالده، نماینده‌لر کینگشی باشلیغی میررحمان رحمانی، تینچلیک تامین‌لنیشی اوچون یره‌تیلگن فرصت‌نی اونملی عوان قیلیب ایتیشیچه، افغانستان تینچلیک نامیده بیر سیناو آستیگه قرار تاپگن. جناب رحمانی نینگ طالبان‌گه خطاب ایتیشیچه، حاضرده زوروانلیک‌نی کمه‌یتیریش زمانی کیلگن. او، طالبان گروهی دن بهانه قیلمسدن تینچلیک سوزلشوولرگه حاضر بولیشینی سوره‌گن.
شونینگدیک، قطر ده افغانستان دولتی تامانیدن تعیین‌لنگن مذاکره قیلووچی هیات اعضالریدن بیرقطاری نینگ ایتیش‌لریچه، افغانستان تینچلیک جریانی بوییچه آمریکا خاص نماینده‌سی زلمی خلیلزاد بیلن اوچره‌شوولریده، تینچلیک جریانی سرعت تاپیشی، خلق ارا جماعه نینگ اورنی، زوروانلیکلر کمه‌یتیریلیشی و اوروش یکونلنتیریلیشی خصوصیده بحث قیلگنلر.
مذاکره قیلووچی هیات عضوی فوزیه کوفی نینگ توییتر صیحفه‌سیده یازیشیچه، اوشبو هیات اعضالری زلمی خلیلزاد بیلن اوچره‌شوویده عیاللر اونملی اورنی اوستیگه تاکید قیلگنلر.
افغانستان تینچلیک جریانی بوییچه امریکا خاص نماینده‌سی زلمی خلیلزاد، کابل گه قیلگن سفریده مشارکتی حکومت پیشنهادینی حکومت رهبرلری و سیاسی حزب‌لر بیلن شریک قیلگن.
