افغانستان اوچون امریکا قوشمه ایالت‌لری نینگ مخصوص نماینده‌سی توماس وست، اوشبو مملکتده ایچکی اوروش باشله‌نیشیدن آگاه‌لنتیرگن.
افغانستان اوچون امریکا قوشمه ایالت‌لری نینگ مخصوص نماینده‌سی توماس وست اوتگن کون (چهارشنبه، ۶ میزان) واشنگتن ده امریکا نینگ راه‌بردی مطالعه‌لر مرکزی ده اوتکزیلگن ییغینده ایتیشیچه، حاضر افغانستان ده ایچکی اوروش باشلنه دیمی یوق مسئله بو ایمس بلکه، بو اوروش قچان باشله‌نیشی دیر.
بیزلرنینگ فیسبوک صحیفه‌میزگه باش اورینگ!
جناب وست، افغانستان نینگ حاضرگی بحرانی گه اشاره قیلیب ایتیشیچه، دنیا جماعه‌چیلیگی و ضیا‌لی‌لر موجود قیینچلیکلر حلی اوچون افغانستان خلقی گه یاردم بیریش‌لری کیره‌ک.
اونگه کوره، افغانستان یشاوچیلری نینگ قیینچیلیکلری حلی اوچون برچه اتفاق و بیر فکر گه بولیش‌لری کیره‌ک.
جناب وست نینگ کوپه‌یتیریشیچه: «بو جریان اوز ایشانچینی قولدن بیرمسلیک اوچون دقت بیلن بجریلیشی درکار.»
وست نینگ ایشانچی گه کوره، امریکا قوشمه ایالت‌لری افغانستان بویلب دایمی صلح برقرار ایتیلیشی گه طرفدار بولیب و بو مملکت امریکا شامل برچه مملکت‌لر اوچون تهدید بولمسلیگینی ایسته‌یدی.
بیزلرنینگ توییترده هم تعقیب قیلینگ!
میدیالر نینگ معلوماتی اساسیده، پنجشیر و مملکت نینگ شمال حدودلریده اسلامی امارت سرپرست حکومتی نینگ حربی کوچلری و «ملی مقاومت جبهه‌سی» جنگریلری آره‌سیده انده_سنده توقنشوولر یوز بیرماقده ایکن، توماس وست افغانستان ده ایچکی اوروش باشله‌نیشیدن آگاه‌لنتیرگن.
