اوتگن کون رسانه‌لردن قطاری، قطرده طالبان سیاسی دفتری دن بیر هیأت استانبول ده یولگه قوییله‌دیگن تینچلیک ییغینی توغریسیده بو گروه رهبرلری بیلن مصلحت قیلیش اوچون کویته گه سفر قیلگنیدن گزارش ترقتدی.
قطر ده طالبان سیاسی دفتری سوزلاوچیسی محمدنعیم، بونده‌ی بیر هیأت نینگ سفری نی رد قیلگن. بیراق پاکستان نینگ کویته شهریده ایرکین خبرچی رزاق برق، نینگ سلام‌وطندارگه ایتیشیچه، طالبان هیأتی اوتگن کون قطر دن کویته کیلدی، بیراق اولرنینگ سانی و بو هیأت اعضالری نینگ کیم‌لیگی بیللی ایمس دیر.
جناب برق نینگ ایتیشیچه، پاکستانلیک رسانه‌لر بو توغریده هیچ بیر نرسه دیمه‌یدی، بیراق ایتیلیشیچه، طالبان هیأتی اوتگن کوندن بویان رهبرلری بیلن مصلحت قیلیب کیلماقده. چونکه برق نینگ بیاناتی اساسیده، طالبان نینگ استانبول ییغینی گه شرکت قیلیش اوچون شرطی بو گروه نینگ ۷ مینگ محبوسی قوییب یوباریلیشی دیر که بو ایسته‌ک قبول بولمه‌گن و حاضر مذکور گروه شرکت قیلیش و قیلمه‌یش توغریسیده مصلحت قیلماقده.
- مارشال دوستم طالبان نی آگاه‌لنتیردی
- ایش بیلرمانر: خلیل‌زاد نینگ سونگی بیاناتی طالبان گه جدی آگاه‌لنتیریش دیر
- «طالبان تینچلیک نی تنلمه‌گن صورتده، آمریکا جمهوریت دن حمایت قیله‌دی»
- ایش بیلرمانلر: طالبان جمهوررئیس غنی استعفا بیریشی اوچون حرکت قیلماقده
شونده‌ی بیرحالده، طالبان سابق اعضالریدن بیری مولوی قلم‌الدین، طالبان هیأتی نینگ سفری دن اوز خبرسیزلیگی نی بیلدیریب و ایتیشیچه، حکومت و طالبان هیأت‌لری آره‌سیده‌گی قیینچیلیک حل بولگن و بو گروه بعضن بیربیراولری بیلن اوچره‌شه‌دی.
اونگه کوره، طالبان مشروط شکلده استانبول ییغینیده شرکت قیلیشی ممکن.
شونده‌ی بیرحالده، سیاسی ایش بیلرمان‌لردن بیری محب‌الله شریفی نینگ ایتیشیچه، طالبان سونگی باسقیچ گه ییتیشتیرگن قرارلری نی، رهبرلری بیلن شریک قیله‌دی.
بیزلرنینگ فیسبوک صحیفه‌میزگه هم باش اورینگ!
اونگه کوره، طالبان هیأتی کویته شهریده سفر قیلگن بولسه، اولر ترکیه ییغینی توغریسده رهبرلری بیلن مصلحت قیلیش احتمالی بار.
قطر ده طالبان سیاسی دفتری هیأتی کویته گه سفر قیلگن موضوعی ارایه ایتیلگن بیرحالده، نیچه پیت آلدین آمریکالیک و ترکیه‌لیک رسمیلر، کیله‌سی ایکی هفته ده افغانستان تینچلیگی توغریسیده ترکیه ده کتته بیر ییغین یولگه قوییلیشی ممکن دیگن ایدی.
