خلق‌ارا ساغلیق‌نی سقلش تشکیلاتی نینگ آگاه‌لنتیریشیچه، پکتیکا و خوست ولایت‌لریده زلزله عاقبتیده زیان کورگنلر آره‌سیده «کولرا» کسللیگی کوپه‌یماقده دیر.
جولای آیی نینگ ۳ دن۱۰ گه قدر پکتیکا و خوست ولایت‌لری نینگ گیان، برمل و سپیری تومنی‌لریده اوشبو کسل‌لیککه چلینگن ۴۶۴ ینگی مورد انیقلنگن.
بیزلرنینگ فیسبوک صحیفه‌میزگه باش اورینگ!
بو آره‌ده، برمل تومنی‌ده ۸ مورد و گیان تومنی‌ده ۹ مورد کوریلگن و اولردن آلینگن نمونه‌لر تصدیق و بیللی بولیش اوچون منطقه‌یی ایشانچلی لابراتوار گه یوباریلگن و اوشبو موردلر توغرسیده طبی تیکشیروولر دوام ایتماقده.
جاری ییل نینگ ۲۲-جون‌ده، پکتیکا و خوست ولایت‌لری ده ۵.۹ درجه ریشتر قدرتی بیلن یوز بیرگن زلزله نتیجه‌سیده، ۱۰۳۶ کیشی هلاک و ۹۴۹ کیشی یره‌لندی.
خلق‌ارا ساغلیق‌نی سقلش تشکیلاتی گه کوره، یاز موسمی ییتیب کیلیشی بیلن، زیان کورگن اهالی آره‌سیده یوقمه کسللیکلر اینیقسه «کولرا» و مالاریا کبی کسللیکلر نینگ کوپه‌یشی ممکن.
خلق‌ارا ساغلیق‌نی سقلش تشکیلاتی و باشقه همکار نهادلردن بیر قطاری ساغلیک خذمتلر نی ارائه قیلگنلر.
خلق‌ارا ساغلیق‌نی سقلش تشکیلاتی نینگ ساغلیک خذمت‌لری و باشقه نهادلر نینگ یاردم‌لری و بوتون سعی و حرکت‌لری، زیان کورگن کیشیلر اوچون ییترلی ایمس و اولر نینگ جانی نی قوتقریش اوچون کوپینچه بودجه کیره‌ک.
بیزلرنینگ توییترده هم تعقیب قیلینگ!
خلق‌ارا ساغلیق‌نی سقلش تشکیلاتی اوچ آی‌گچه زیان کورگنلر گه ساغلیق خذمتلر نی ارائه بولیشی اوچون ۶ میلیون دالر بودجه ایسته‌گن.
اروپا بیرلشمه‌سی خلق‌ارا ساغلیق‌نی سقلش تشکیلاتی، یونیسف و چیگره بیلمس تشکیلات‌لردن حمایت قیلیش و زیان کورگنلر نینگ نیازلری حل بولیشی اوچون طبی جهاز، دارو و یاردم بیرووچی نرسه‌لر شامل بولگن ۳۶ تُن انسان پرورلیک یاردم نی افغانستان گه یوبارگن دیر.
