تخار ولایتی بهارک تومنی یشاوچیلریدن بیرقطارینینگ ایتیشیچه، اوشبو تومننینگ ۱۰ دن آرتیق قیشلاق اهالیسی هنوزگچه سووی تالقان شهری شهروان کانالیدن تأمینلنیب حوضلرنینگ توختهگن سوویدن فایدهلنماقده.
اولر گه کوره، اوشبو توختهگن سوولردن فایدهلنیش، اینیقسه بالهلر اورتهسیده تورلی کسللیکلر کوپهیشیگه سبب بولگن.
بهارک تومنی یشاوچیلریدن بولمیش محمدخان، اوشبو سوولردن اوزاق مدت فایدهلنیلگن حالده، یشاوچیلرنینگ سلامتلیگینی جدی تهدید قیلیشی حقیده آگاهلنتیرهدی.
بهارک تومنی یشاوچیلری، حکومت و مسئول نهادلردن بو حدودلر یشاوچیلرینی تازه ایچیملیک سوو بیلن تأمینلش گه جدی دقت قیلیشلرینی سورهیدیلر.
شو بیلن بیرگه، بهارک تومنی اولسوالی مولوی همایون، بو تومننینگ اونلب قیشلاق اهالیسی تازه ایچیملیک سوودن فایدهلنه آلمسلیگینی تصدیقلسه-ده، بیراق مذکور قیشلاق اهالیسینینگ ایچیملیک سوو بیلن تأمینلش گه سعی-حرکت قیلهیاتگنلرینی بیلدیرهدی.
بهارک، تخارنینگ بیرینچی اورینلی تومنلریدن حسابلنهدی، بیراق بونگه قرهمی بو تومن کوپینچه قیشلاق اهالیسی ییللردن بیری بو معما بیلن دوچ بولیب و هنوزگچه بوتوغریده دقت قیلینمهگن.
