بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا) گه کوره، جاری میلادی ییلده افغانستان ده قریب ۱۶ میلیون کیشی سوو و ساغلیقنی سقلش یاردملریگه احتیاج تاپیشی ممکن.
اوچانینگ بوگون (۱-سرطان/ ۲۲-جون، دوشنبه)، اکس صحیفهسیده یازیشیچه، سوو تنقیصلیگی اهالینینگ کوندهلیک حیاتینی جدی شکلده تاثیر آستیگه قویگن.
مذکور نهادنینگ کوپهیتیریشیچه، بو وضعیت نتیجهسیده بالهلر کوپینچه ساغلیقنی سقلش خوفلری بیلن روپهره بولیب و محلی جمعیتلر سوو تنقیصلیگی طفیلی قیین وضعیت بیلن ماسلشوو اوچون سعیوحرکت قیلهدیلر.
افغانستان اقلیم اوزگریشلری و سوو منبعلری کملیگی عاقبتلریدن جدی شکلده زیان کورگن مملکتلردن دیر. اوشبو مملکت سونگی ییللرده کیتمه-کیت قوروقچیلیکلر و سوو منبعلری کمهیشی بیلن روپهره بولگن.
شونینگدیک بوندن آلدین بیرلشگن ملتلر تشکیلاتی، افغانستان جمعیتیدن یریمدن آرتیغینینگ جدی شکلده سوو تنقیصلیگی و قوروقچیلیک تاثیری آستیگه قالگنیدن آگاهلنتیرگن ایدی.
