افغانستانده بیرلشگن ملتلر تشکیلاتی اورینباسرلیک هیئت ادارهسی (یوناما)، خلقارا یشش محیط کونی بیلن بیرگه بیر گزارش ترقهتیب اعلام قیلیشیچه، افغانستان جمعیتیدن یریمدن آرتیغی قوروقچیلیک و جدی شکلده سوو تنقیصلیگی عاقبتلری بیلن روپهره دیر.
یونامانینگ ایتیشیچه، قوروقچیلیک و سوو تنقیصلیگی حاضرگچه اینگ کینگ ترقهلگن تهدیدلردن دیر. گزارش اساسیده، مذکور یشش محیط انقراضی اوشبو مملکتده تیریکچیلیک، آزیق-آوقت خوفسیزلیگی و ثباتنی جدی شکلده تهدید قیلماقده.
افغانستانده بیرلشگن ملتلر تشکیلاتی اورینباسرلیک هیئت ادارهسینینگ کوپهیتیریشیچه، قندهار، هلمند، نیمروز، زابل و ارزگان ولایتلریده سوو تنقیصلیگی انقراضی یامان بولیب و کیتمه-کیت قوروقچیلیکلر، یاغینگرچیلیک کمهیگنی همده ییر آستی سوولرنینگ حددن تشقری فایدهلنیشی، سوو سیستملرینی اورتهدن کیتیش خوفی آستیگه قویگن.
یوناما گه کوره، مذکور ولایتلردهگی دریالر قوریماقده، سنتی سووغاریش سیستملری اورتهدن کیتیب و جمعیتلردن قطاری چقور قودوقلرنی قازیشگه مجبور بولگن که اولردن کوپینچهسی نتیجه بیرمهگن.
گزارشده کیلیشیچه، اقلیم اوزگریشی افغانستاننینگ تورلی منطقهلریده فرقلی معمالرنی اورته گه کیلتیرگن. ننگرهار کبی شرقی ولایتلرده دهقانلر ایکینچیلیک محصوللرینینگ کیتمه-کیت اورتهدن کیتیشی همده ییر و سوو منبعلری اوستیگه کیلیشماوچیلیکلر بیلن روپهره دیر.
غور و فراه کبی غربی ولایتلر ایسه اوزون مدتلی قوروقچیلیک بیلن دوچ بولگنی بیرحالده، باشقه منطقهلردن قطاری کوچلی یاغینگرچیلیک و توستدن سوو تاشقینلر بیلن روپهره بولیب و اویلر، آستقورمهلر و ایکینچیلیک ییرلر ویران بولگن.
یونامانینگ ایتیشیچه، افغانستاننینگ شهر بوییچه منطقهلری هم باسیم آستیده دیر. کابل ده هوا افلاسلیگی اینیسقه قیشده ساغلیک اوچون اصلی بیر تهدید دیر. پنجشیر، کاپیسا و میدانوردک ده هم، سیاحتچیلیک رشدی دریالر و درهلرگه چیقیندیلر کوپهیشیگه سبب بولگن که یشش محیطنینگ کوچلیراق مدیریت بولیشیگه نیاز بارلیگینی بیلدیرهدی.
