اوتگن کونی کابل هوا قونالغه‌سیده یوز بیرگن قانلی واقعه‌دن سونگ، حاضرده کابل بوییچه آمریکا ایلچی‌لیگی اوشبو مملکت یشاوچی‌لریدن سونگی معلومات‌لرگه‌قدر هوا قونالغه‌گه کیلمه‌یش‌لرینی سوره‌گن.
کابل بوییچه آمریکا ایلچی‌لیگی سرپرستی راس ویلسون نینگ توییتر صحیفه‌سیده یازیشیچه، او و یاردمچی‌لری آمریکا یشاوچیلری و افغانستان نینگ خطر بیلن دوچ کیلگن اهالی‌سیگه یاردم بیریش اوچون کابلده قاله‌دی.
کابل بوییچه آمریکا ایلچی‌لیگی بیر اعلامیه آرقه‌لی، احتمالی مسافرلردن بیللی معلومات‌لرگه‌قدر کابل هوا قونالغه‌سیگه کیلمه‌یش‌لرینی سوره‌گن.
اعلامیه‌ده ایتیلیشیچه، کابل و هوا قونالغه‌ده امنیتی وضعیت اوزگرماقده دیر و آمریکا یشاوچی‌لرینی اوز جای‌لریگه قالیش‌لری کیره‌ک.
عین‌حالده، طالبان نینگ قطرده‌گی دفتری عضوی سهیل شاهین، انسان دوست‌لیک نهادلر ایشلاوچی‌لری و دیپلمات‌لر خوفسیزلیگی تامین‌لنیشیدن ایشانچ بیره‌دی.
اونینگ توییتر صحیفه‌سیده یازیشیچه، بوتون دیپلمات‌لر، ایلچی خانه‌لر، قنسولگرلیکلر و خریه نهادلر ایشلاوچی‌لریگه اولرگه قرشی هیچ‌قنده‌ی تهدید یوق دیر و اولرگه تینچ فضا یره‌تیش اوچون سعی و حرکت‌لرنی دوامی بار.
بیرقطار گزارش‌لرگه کوره، طالبان گروهی کابل شهری نینگ غربیده بیرقطار اوی‌لرنی آخته‌رگنلر.
