افغانستان تینچلیک جریانی بویچه آمریکا نینگ خاص نماینده‌سی زلمی خلیل‌زاد، ملی مصالحه کینگشی رهبرلیک کمیته‌سی نینگ بیرینچی ییغینی اوتکزیلگنیدن خوش قرشی لب، رهبرلر بیرلشیشی افغانستان خصوصده اورتاق قرار آلیش اوچون مهم آدیم دیگن.
جناب خلیل‌زاد نینگ ایتیشیچه، ملی مصالحه کینگشی افغانستان‌لیک‌ارا تینچلیک مذاکره ده، تینچلیک خصوصده کیلی‌شیش، قدرت بولینیشی و طالبان گروهی بیلن دایمی آتیش کیسین قیلیش خصوصده جمهورلیک ریاستی نینگ اینگ صلاحیت‌لی نهادی بوله‌‌دی.
جناب خلیل‌زاد، اوتگنی کونی (شنبه،۱۵ قوس) شام شاغی تویتر صحیفه‌سیدن یازیشیچه، طرزالعمل مقدمه‌سی تکمیل بولگنی باعث افغانستان دولتی هیأتلری بیلن طالبان گروهی نینگ هیأتلری سوزلشولر نینگ ایکینچی مرحله سینی باشله‌ب و دوحه شهریده آجندا خصوصده بحث ایتماقده‌لر.
جناب خلیل‌زاد نینگ ایتیشیچه: ” افغان‌لر بیرلشیب، تینچلیک تامان آدیم کوتاره‌دیلر. افغانستان خلقی تینچلیک نی آرزو ایتهدی. سونگی کونلرده‌کوتاریلگن آدیملر امیدلنتروچی بولگن. مین ایکی تاماندن هم تینچلیک مذاکره سی خصوصده جدی شکلده تلاش قیلیب و نیچه ییللردن بویان دوام ایته دیگن اوروش نی اداغگه ایری شیشتیریش لرینی سوره یمن”.
انه‌شوحالده آمریکا تشقی ایشلر وزیری مایک پومپیو هم ملی مصالحه کینگشی رهبرلیک کمیته‌سی نینگ بیرینچی ییغینی اوتکزیلگنیدن خوش قرشی لگن.
پومپیو اوشبو کینگش نی ” تینچلیک کیلیش ده تلاش قیله دیگن بیر جامع و اعتبارلی نهاد” دیب و بیرینچی ییغینده اونملی آدیم لر کوتارگنیدن خبر بیرگن.
آمریکا نینگ تشقی ایشلر وزیرلیگی بیر خبرنامه آرقه‌لی یازیشیچه، افغانستان رهبرلری و سیاسی شخصیتلری دواملی تینچلیک خصوصده تصمیم آلیش و حمایت ایتیش اوچون بیرلشگن.
خبرنامه‌گه کوره، برچه اوروش تامانلری بیر آره گه توپلنیب، تینچلیک تامین بولیش خصوصده حل یول قیدیریش لری کیره‌ک.
آمریکا تشقی ایشلر وزیرلیگی تامانیدن ترقه‌تیلگن اعلامیه گه کوره، مصالحه عالی کینگشی و رهبرلیک کمیته سی نی ایشانچلی بیر نهاد عنوان قیلیب، افغانستان دولتی نینگ مذاکره هیاتلریگه کیلیشو اصولی، قدرت بولینیشی، افغانستانده ییللردن بویان دوام ایته دیگن اوروش اداغگه ایریشتیریلشی اوچون دایمی آتیش کیسین خصوصده مصلحت بیریب، یول کورستیشی ممکن.
ملی مصالحه کینگشی نینگ رهبرلیک کمیته سی بیرینچی یغینی نی، اوشبو کینگش تشکیلیدن ۷ آی اوتگنیدن کیین (شنبه، ۱۵- قوس) کونی ارگ ده اوتکزیلدی.
جمهور رئیس محمد اشرف غنی و داکتر عبدالله عبدالله تامانیدن اورتاق شکلده ریاست ایتلگن ملی مصالحه کینگشی نینگ آچیلیش یغیینی گه قطار سیاسی رهبرلر، حزبلر رهبرلری، نماینده‌لر کینگش اعضالری، عیاللر و مدنی جماعه اعضالری قتنشگن ایدیلر.
باشقه بیرتاماندن هم طالبان گروهی نینگ قطرده‌گی سیاسی دفتر سوزلاوچیسی محمد نعیم گه کوره ، افغانستان نینگ تینچلیک جریانی بوییچه آمریکا نینگ خاص نماینده سی زلمی خلیل‌زاد اوتگن کیچه طالبان گروهی نینگ قوماندانلریدن بولمیش ملا برادر و قطر اولکه سیده‌گی طالبان نینگ قطار نماینده‌لری بیلن اوچره‌شکن.
اونگه کوره، اوشبو یغیینده طالبان نینگ محبوس ده گی اعضالری قویب‌یوباریلشی، تینچلیک پروسه‌سی و قاره روی‌خط ده بولگن طالبان لر نینگ آتی اوشبو روی خط‌دن چیقاریلیشی خصوصده بحث قیلگنلر.
