ننگرهار صناعت و سوداگرلیک اتاقی خراسان بیلیم یورتی همکارلیگی بیلن، اوشبو ولایت نینگ مرکزی جلال‌آباد شهری‌ده ایچکی تولیدلر ایکی کون‌لیک کورگزمه‌سینی یولگه قویدیلر. اوشبو کورگزمه‌ده، ننگرهار شامل، بیرقطار ولایت لرده‌گی ۳۰ فابریکه و کمپنیه‌لر نینگ تولیدلری کورگزمه و ساتیلیش گه قوییلدی.
خراسان بیلیم یورتی باشلیغی طارق کمال نینگ ایتیشیچه، اوشبو کورگزمه ایچکی تولیدلر گه بازار تاپیش و مردم کیله‌جک ده خارجی تولیدلر اورنیده وطنی تولیدلر بیلن آشنا بولیب و استفاده قیلیش‌لری مقصدیده یولگه قوییلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده قطار صناعتکارلر ایچکی تولیدلر گه بازار تاپیش اوچون بو گَل کورگزمه‌لر اوتکزیلیشینی اونملی دیب، ایچکی تولیدلر گه اولکه فقرالری نیگ دقتی‌نی جلب ایتیش گه سبب بوله‌دی دیه ایشانه‌دیلر.
صناعتکارلر حکومت‌دن، ایچکی تولیدلری آشیشی اوچون، اولرنی قوللب-قوتلب و بو توغریده‌گی قیینچیلیکلری حل ایتیلیشنی سوره‌یدیلر.
اولکه فقرالری بو گَل نمایشلر اوتکزیلیشینی خوش قرشی‌لب و اسلامی امارت دن، ایچکی تولیدلری اوسیشی اوچون سعی-حرکت قیلیش گه چارله‌یدی.
بیزلرنینگ توییترده هم تعقیب قیلینگ!
ننگرهارده‌گی صناعتکارلر، باشقه کورگزمه‌لر یولگه قویلیشی اوچون برنامه لریدن خبر بیره‌دیلر. اولر نینگ ایتیشلریچه، حمل آی‌ده جلال‌آباد ده ۳۰۰ ایچکی شرکت نینگ تولیدلرینی نمایش گه قویه‌دیلر.
شونینگدیک اولر، اوتکی‌لر گه نسبتن صادرات میزانی خصوصیده قولی‌لیک یره‌تیلیشیدن خبر بیریب ایتیشلریچه، حاضر تورلی خیل کییم-کیچک قوشنی و باشقه بیرقطار مملکت‌لر گه صادر ایتیلماقده.