بوگون (چهارشنبه ۲۱- عقرب) خبرچیلرنینگ خوفسیزلیگی نی سقلش کمیته مسئولی صدیق‌الله توحیدی، افغانستان خبری نینگ کیله‌جگی و ماهیتی نی تیکشیریش آتی‌ده یولگه قوییلگن برنامه‌ده ایتیشیچه، گرچند دنیا رسانه‌لری طالبلرنینگ فکری و توشونچه‌سی اوزگرگنی خصوصیده گزارش ترقتگن، بیراق مذکور گروه نینگ ایدیولوژی و توشونچه‌سیگه هیچ قنده‌ی اوزگریش‌لیک کیلمه‌گن.
جناب توحیدی گه کوره، طالبان گروهی رسانه و سوز ایرکین‌لیگی و شونینگدیک عیاللر حقلری شامل انسان حقلری ارزش‌لری نی رعایت قیلمه‌ی و اونینگ نقض قیلگن.
شونینگدیک خبرچیلرنینگ خوفسیزلیگی نی سقلش کمیته مسئولی نینگ کوپه‌یتیریشیچه، افغانستان سوز ایرکین‌لیگی و میدیا نینگ دشمنی حسابلنه‌دیگن بیر گروه بیلن سوزلشماقده و اولر بیلن کیلیشماق آسان ایمس.
«نی» اجرایی باشلیغی عبدالمجیب خلوتگر دوحه ده دوام ایتیب کیله‌دیگن تینچلیک سوزلشوولریگه اشاره قیلیب ایتیشیچه، تینچلیک سوزلشوولری خصوصیده معلومات گه قول تاپیش قیین دیر و بو سوزلشوولرگه رسانه‌لرنینگ حضوری بولمه‌گن. معلومات گه قول تاپیش خصوصیده بولگن چیکلاو بو پروسه نینگ قنده‌یلیگی حقیده خواطرلرنی کوپه‌یتیرگن.
باشقه بیر تاماندن مذکور برنامه‌ده باختر خبری آژانسی باشلیغی نجیب‌الله شینواری نینگ ایتیشیچه، افغانستان ده یوزبیره‌دیگن سیاسی اوزگریش‌لیکلر سوز ایرکین‌لیگی و میدیا ترقیاتی گه توسیق بولیشی نینگ احتمالی بار.
شونده‌ی بیرحالده، دوحه ده افغانستان‌لیکلرارا سوزلشوولر باشلنگنیدن ایکی آی اوتماقده و ایکی تامان بو سوزلشوولرنینگ طرزالعملی اوستیگه حاضرگچه کیلیشمه‌گن.
