هر کونی ایرتهلب پروان ولایتی چاریکار شهری کوچهلری بیراز یاختی بولیشی بیلن بیرگه، بیر ایرکک سریق رنگ بشکهسینی آلیب اوییدن چیقهدی. او سوت ساتووچی دیر؛ هر کونی قویاش چیقیشیدن آلدین اویغهنیب، اهالی گه تازه سوت ساتیش اوچون شهرنینگ کوچهلرینی بیرته-بیرته کیزهدی.
بوش کوچهلر «سوت، تازه سوت» سیسی بیلن تولیب و اوشبو ایرککنینگ آدیملری سیسی قولاققه ایشیتیلهدی. بو سیس، شهرنینگ کوندهلیک بیر ریتمیگه اَیلنگن؛ بیراق بو سیس آرقهسیدهگی سیمانی کوپ کیشی تانیمهیدی.
بیزلرنینگ «ایکس» ترماغی ده هم تعقیب قیلینگ!
۳۸ یاشر شمعریز، عایلهسی بیلن بیرگه چاریکار شهری چیکهسیده جایلشگن کیچیک و قدیمی بیر اویده حیات کیچیرهدی. عایله سرپرستی بولمیش شمعریز، سوت ساتیش بیلن عایله نیازلرینی تامینلش مقصد هر کونی ایرتهلب، کیلومترلرچه یولنی پیاده یوریدی که بعضی کونلر، مشتریسی بولمهگنی سبب آخشملر بوش قول بیلن اویگه قیتهدی. «ایکی-اوچ ته ساغین ایچکیمیز بار. اوشبو ایچکیلر آرقهلی حیات کیچیرهمیز. ۵ ته بالهم بار. ایرتگدن آخشمگچه کوچهمه-کوچه یوریمن. اهالی هم اونچه سوت ساتیب آلمهیدی. قدیمی بیر اویگه حیات کیچیرهمن و هیچ نرسهم یوق.»
چاریکار شهری بازاریده هر بیر کیلوگرام سوت ۲۰-۳۰ افغانی بولگنی بیلن بعضا ایسه شمعریزنینگ مشتریلری اقتصادی قیینچیلیکلر سبب سوت ساتیب آلمهیدیلر و او، سوت ساته آلمهی و بوش قول بیلن اوییگه قیتیشگه مجبور بولهدی.
مذکور ایرککنینگ یگانه قیینچیلیگی سوت ساتیب ساته آلمسلیگی ایمس؛ بلکیم اونینگ اینگ کته قیینچیلیگی و خواطری بالهلرینینگ مکتب باره آلمسلیگی دیر. اونینگ ایتیشیچه، آز درآمدی بولگنی اوچون بالهلرینی مکتب گه یوباره آلمهیدی. «قریب ۴-۵ ییلدن بیری بو ایش گه مشغولمین. هر کونی کوچهلرگه سوت ساتیش اوچون یوریمن. بعضا هیچ کیم سوت آلمهیدی و بوش قول بیلن اویگه قیتهمن که اویگه همه تشویش قیلهدی که نیگه سوت آلمهدیلر دیب. بو یول آرقهلی ۱۰۰-۱۵۰ افغانی قولگه کیلتیرمن. حاضر بالهلریم پول یوقلیگی اوچون درس اوقه آلمهیدیلر، مکتب باره آلمهیدیلر. مین اولرنینگ درس اوقیشینی ایستهیمن، بیراق اقتصادیمیز ضعیف دیر.»
شوندهی بیرحالده، شمعریزنینگ تورموش اورتاغی قالگن سوتدن قتیق، قیماق و بعضا هم چلاو توزتهدی و شونینگدیک بالهلری ایسه چاروهلرنی اوتلاقلرگه آلیب کیتیب و اولرگه آذوقه تیارلهیدیلر.
شمعریز، اوی نیازلری تامینلنیشی مقصد عایله اعضاسیدن برچهسینینگ بیرگهلیکده سعیوحرکت قیلیشلرینی بیان قیلیب، اقتصادی قیینچیلیکلری حلی اوچون یاردم بیرووچی نهادلر و حکومتدن همکارلیک ایستهگن. «دولت و نهادلردن بیزلرگه یاردم بیریشلرینی ایستهمن. بیزلرگه یاردم بیرسینلر، ایکی-اوچته زراعتی سیگیریم بولسه که اولرنی سقلهسم. حاضر کوپ یامان اقتصادی وضعیتده حیات کیچیرهمیز.»
بیزلرنینگ فیسبوک صحیفهمیزگه باش اورینگ!
مذکور ایرککنینگ ایتیشیچه، مشتریلری بولگنی بیلن، بیراق اولردن قطاری سوت ساتیب آلگنلریدن کیین پولی نی مکمل بیرمهی یا-ده قرض آلهدیلر که کوپینچه پیت، آلگنلری قرضنی هم اونوتهدیلر.
شمعریز یامان اقتصادی قیینچیلیک بیلن روپهره بولیب و آز درآمدی بیلن عایلهسینینگ حیات خرهجتلریدن برچهسینی تامین قیله آلمهگنی بیرحالده، لیکن ینه هم هر کونی ایشیگه دوام بیریب و دسترخوانیگه بیر لقمه نان آلیب باریش اوچون سعیوحرکت قیلهدی.
