کجکی توغانی نینگ ایکینچی فازی ترکیه نینگ ۷۷ ساختمانی شرکتی بیلن ۱۷۰ میلیون دالر هزینه گه ۲۰۱۶-ییل‌ده قرارداد بولگن ایکن که، بوگون تکمیل بولیب و فایده‌لنیش گه تاپشیریلدی.
مذکور ییغین‌ده رئیس‌الوزرا ایکینچی اورین‌باسری عبدالسلام حنفی ایتگن که، کجکی توغانی نینگ ۳-فازی تکمیل بولیشی بیلن هلمند و قوشنی ولایت‌لر نینگ برقی ۲۴ ساعته بولیشی ممکن و شونینگدیک صنعتی ایش‌خانه‌لر برقی خصوصیده‌گی قیینچیلیکلر نینگ حل بولیشی ممکن.
باشقه بیر تامان‌دن، تشقی ایشلر وزیرلیگی نینگ سیاسی اورین‌باسری شیرمحمد عباس استانکزی، مذکور مراسم‌ده کجکی توغانی نینگ ۲-فازی فعال بولگنی نی اقتصاد خصوصیده بویوک بیر یوتوق دیگن.
بیزلرنینگ توییترده هم تعقیب قیلینگ!
جناب استانکزی نینگ ایتیشیچه، افغانستان سیاسی، فرهنگی، اقتصادی و تعلیمی نقطه‌ی نظردن کوچلنیشی ممکن. اونینگ کوپه‌یتیریشیچه، افغانستان ترکیه بیلن دوام‌لی و دوستانه رابطه قوریش نی ایسته‌یدی.
اونگه کوره: «اسلامی امارت مملکت نینگ اقتصادی، سیاسی، فرهنگی و تعلیمی نقطه‌ی نظردن کوچلنیشی خصوصیده متعهد دیر.»
شونده‌ی بیرحالده، افغانستان ده ترکیه ایلچیسی جهاد ایرگین‌آی نینگ ایتیشیچه، ترکیه افغانستان بیلن یقین و چقور رابطه‌سی بار که کجکی توغانی اولردن بیر نمونه‌سی دیر.
اونینگ کوپه‌یتیریشیچه، تکمیل بولگن پروژه برق ایشلب چیقاریشی گه علاوه، ایکینچیلر اوچون هم فایده‌لی دیر و اوشبو توغان برق خصوصیده قندهار بیلن هلمند نینگ نیازلری نی تامین قیله آله‌دی.
ایتیش کیره‌ک که، مذکور پروژه نینگ قراردادی ۲۰۱۶-ییل‌ده سابق حکومت نینگ برق وزیرلیگی و ترکیه نینگ ۷۷ ساختمانی شرکتی آره‌سیده امضالنگن ایدی و اونینگ توزه‌تیش ایشی خوفسیزلیک قیینچیلیکلر سبب، ایکی ییل آرته قالگن.
بیزلرنینگ فیسبوک صحیفه‌میزگه باش اورینگ!
قرارداد اساسیده، مذکور شرکت برق ایشلب جیقاریش و کجکی برق توغانی نینگ سووی نی ذخیره قیلیش اوچون ۳۰۰ میلیون دالر سرمایه یاتقیزگن که بو آره‌ده ۱۷۰ میلیون دالر ینگی توربین‌لر نینگ توزه‌تیلیشی اوچون مصرف بولگن دیر.
گرچند اوشبو پروژه نینگ تکمیل بولیشی افغانستان اینیقسه مملکت نینگ جنوبی ولایت‌لری اوچون یخشی بیر خبر دیر، لیکن اوتگن ییل نینگ قوریق‌چیلیگی سبب، اوشبو توغان‌ده سوو سطحی ۵۰ الی ۷۰ متر کمه‌یگن و اوچ توربین‌ده یالغیز ایکی توربین فعال دیر.