ایران اسلام انقلابی قوروقچیلری، اوشبو مملکتنینگ دینگیز و هوا کوچلری، امریکانینگ بحرین و کویتده ۸۵ ته حربی پایگاهلرینی راکته و دران آرقهلی ضربه بیرگنینی معلوم قیلدی.
ایران اسلام انقلابی قوروقچیلری بوگون (۱۷ سرطان/۸ جولای، چهارشنبه)، بو هجوملر امریکا تامانیدن آتیش کیسین بوزیلیشی و بو مملکت حربی کوچلری ایران جنوبی حدودلریگه هجوم اویوشتیرگنیدن سونگ عملگه آشیریلگنینی ایتگن.
اوشبو هجوملرده، امریکانینگ بحرینده بیشینچی ناوگان پایگاهسی و کویتده «علی السالم» هوا پایگاهسیگه ضربه بیریلگنینی قوشیمچه قیلگن، ایران اسلام انقلابی قوروقچیلری.
آلدینراق امریکا، هرمز بوغوزیده ایران تامانیدن سودا کیمهلریگه ضربه بیریلیشیگه جواباً، بو مملکت جنوبی حدودلریده ۸۰ دن آرتیق مرکز گه هجوم اویوشتیرگنینی ایتگن ایدی.
