قندهار میوند تومنی یشاوچیلری، اوشبو تومنده‌گی تاریخی مکان‌لر قوللش عرفه‌سی گه قرار تاپگنیدن خواطر بیلدیریب و مسئوللر دن بوتوغریده دقت قیلیش‌لرینی سۉره‌یدیلر.
اولر گه کوره، تاریخی آبده سنلگن میوند تومنی بازاری آرقه‌سیده ییرلشگن «سبز قلعه‌سی»، حاضر اطرافی قازیلیب و محل یشاوچیلری یشش اوی‌لرینی قوریش اوچون اونینگ توپراغیدن قوللنماقده‌لر.
میوند تومنی «لوری مزری» منطقه یشاوچیسی میرویس نینگ سلام‌وطندار گه ایتیشیچه: «بو تومنده‌گی بیر قنچه تاریخی آبده‌لر بوزیلگن و اۉتمیش گه نسبتن سیاحتچیلر سانی هم کمه‌یگن.»
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «تاریخی بیر قلعه دیر؛ اهالی او ییرده گنج بارلیگینی اېتر اېدیلر؛ کتّه تېپه دیر، باشقه بیر قلعه کوجان دیر؛ کلاتکی باشقه بیر قلعه بار و بونگه اۉخشه‌گن تاریخی قلعه‌لر بار، حاضر سیاحتچیلر تشریف بویرمه‌یدی و بوزیلگن.»
میوند تومنی «لوی مزری» منطقه یشاوچیسی محب‌الله نینگ ایتیشیچه: «میوند تومنیده تاریخی مکان‌لر کوپ بو لرنینگ آتی برچه جای‌لر گه اېسلنه‌دی؛ حاضر سیاحتچیلر هم تشریف بویره‌دیلر؛ لېکن بوزیلگن. قیته تېکلنگن حالده سیاح‌لر کوپ کیله‌دی دیگن امید گه من.»
میوند تومنی قوم آقسقال‌لریدن محمد گه کوره، بو تومن ده یوزلب تاریخی مکان بار و حاضر قوللش عرفه‌سی گه قرار تاپگن.
او محلی مسئول‌لردن مذکور تومنده‌گی تاریخی مکان‌لرنی قیته تېکلش اوچون دقت قیلیش‌لرینی اېسته‌یدی.
بیزلرنینگ «ایکس» ترماغی ده هم تعقیب قیلینگ!
اونگه کوره: «میوند تومنی امپراتورلر مغلوب بولگن منطقه دیر؛ بو ییرده انگلیس‌لر مغلوب بولگن؛ شونی اوچون بو ییرده‌گی تاریخی آبده‌لر بوزیلگن؛ قیته تېکلنیشی اوچون کوپ ایشلش کېره‌ک.»
عین‌حالده، قندهار معلومات و مدنیت ریاستی نینگ کلتور و صنعت آمری عبدالشکور گه کوره، برچه تاریخی آبده‌لرنی قیته تېکلش اوچون ییترلی بودجه یوق، شو بیلن هم اولر میوندی تومنیده ملالی میوندی مقبره‌سی و باشقه بیر قطار تاریخی مکان‌لرنی قیته تېکلش اوچون اوچون سعی‌وحرکت قیلماقده‌لر.
اونینگ ایتیشیچه: «تاریخی مکان‌لرنی قیته تېکلش اوچون تلاش قیله‌یپمیز؛ بیراق برچه آبده‌لرینی قیته تېکلش اوچون ییترلی بودجه‌میز یوق، کیله‌جک ده میوند تومنی تاریخی مکان‌لری قیته تېکلنیب و تاریخی مکان‌لر رویخط گه آلینیش گه امیدوار میز.»
میوند تومنی یشاوچیلری گه کوره، بو تومنده بیر قنچه تاریخی مکان بار «قیزیل قلعه»، میوندی قلعه، سبز قلعه، شاغاسی قلعه، گلوجان قلعه، کلاتکی قلعه، ملالی میوندی مقبره‌سی اولر ارا مشهور بولگن تایخی مکان‌لردن سنله‌دی.
