غور ده مخدره ماده نینگ کوپه‌یگنی، اوشبو ولایت محلی مسئوللری و مدنی فعال‌لری نی خواطرلنتیرگن. اولر نینگ ایتیش‌لریچه، ایکینچیلر بو ییل باشقه هر ییل گه قره‌گنده نسبتاً ایکینچیلیک ییرلری گه چرس و تریاک ایککنلر.
غور مدنی فعال‌لری و یشاوچیلری نینگ آگاه‌لنتیریشلریچه، مخدره ماده ایکیلگن ییرلر تخریب بولمه‌ی و حاصللری نینگ آلدی آلینمه‌گن صورت‌ده، ییگیت‌لردن کوپ قطاری نینگ معتاد بولیشی ممکن.
غور مدنی فعال‌لریدن ذبیح‌الله نینگ ایتیشیچه: «غور ولایتی گه تشقی‌دن کیلگن کیشیلر دولتیار تومنی‌ده نظیری کوریلمه‌گن درجه‌ده چرس ایکیش گه باشلدیلر و شونینگدیک تریاک ایکدیلر که، بیزلر بو توغریده کوپ خواطرده‌میز و افغانستان اسلامی امارت حکومتی و غور محلی اداره‌سیدن تریاک و چرس نینگ آلدینی آلیشلری خصوصیده امید‌وارمیز.»
بیزلرنینگ توییترده هم تعقیب قیلینگ!
دولتیار تومنی یشاوچیلریدن گل‌خان نینگ ایتیشیچه: «دولت‌دن اوشبو چرس ایکیلگن ییرلر نینگ تخریب قیلیش‌لری نی ایسته‌یمن که اوشبو ییلر اورنیده اهالی گه فایده‌لی بولگن نرسه‌لر نی ایکسین. خواهش قیله‌میز که اوشبو ایکین‌لر نی اورته‌دن کیتکزسین چونکه یاش ییگیت‌لریمیز اوشبو نرسه‌لر گه معتاد بوله‌دیلر و ییگیت‌لر نینگ حیات‌لری نی تباه قیله‌دی.»
غور مدنی فعال‌لری و یشاوچیلری نینگ ایتیش‌لریچه، مخدره ماده نینگ کوپینچه ایکینی فیروزکوه شهری نینگ غربی منطقه‌لری و دولتیار تومنی‌ده صورت تاپه‌دی.
شونده‌ی بیرحالده، دولتیار تومنی‌ده مخدره ماده ایککن دهقان‌لردن قطاری نینگ ایتیش‌لریچه، اصلاح بولگن ایکیلیش تخم‌لر نینگ یوقلیگی، ایکینچیلر گه امکانیت یوقلیگی و ایش‌سیزلیک سبب، مخدره ماده ایکیش گه مجبور بولگنلر.
غور نینگ دولتیار تومنی‌ده ایکینچیلیک ییرلریدن بیر بولیمی گه تریاک ایککن ۳۱ یاشر محمدعیسی نینگ سلام‌وطندار گه ایتیشیچه: «ییرلریمیز گه تریاک کشت قیلدیک، ایش یوق مجبور بولدیک. تریاک ییگیت‌لر ساغلیگی گه ضرری بار اسلامی امارت‌دن بیزلر گه توجه قیلیب و اصلاح بولگن تخم بیریشلری نی ایسته‌یمیز. تریاک و چرس گه قره‌گنده، کچالو، پیاز و بعضی نرسه‌لر نی یوبارسین‌لر که اهالی گه ضرری یوق و فایده‌سی بار.»
بیزلرنینگ فیسبوک صحیفه‌میزگه باش اورینگ!
بیراق غورده اسلامی امارت معلومات و مدنیت ریاست رئیسی عبدالحی زعیم نینگ ایتیشیچه، مخدره ماده نینگ ایکیلیشی منع قیلینگن و ایککن کیشیلر بیلن قانونی یول باریلیشی ممکن.
اوشبو ولایت‌ده قنچه ایکینچیلیک ییر گه تریاک و چرس ایکیلگنی حاضرگچه بیللی ایمس، بیراق غور مدنی فعال‌لری و یشاوچیلری نینگ بیاناتی گه قره‌گنده، اوشبو ولایت نینگ کمیده ۲ الی ۳ مینگ جریب ییری گه تریاک و چرس ایکیلگن دیر.