ایش و اجتماعی ایشلر وزیرلیگی بوگون (یکشنبه، ۲۰-حوت)، کابل ده درمان آستیده بولیب و مسلک اورگه‌نیش بولیمی‌ده تعلیم کورگن ۵۰۹ مخدره ماده گه چلینگن معتاد گه فراغت حجتی نی ترقه‌تگن.
مذکور وزیرلیک مسئوللری نینگ ایتیشلریچه، حاضر ایسه افغانستان بویلب اوشبو وزیرلیک نینگ مسلک اورگه‌تیش ۵۲ مرکزی‌ده، قریب ۲۰ مینگ معتاد مسلک اورگنماقده دیر.
ایش و اجتماعی ایشلر معینی محمد زاهد نینگ ایتیشیچه: «الحمد‌الله افغانستان بویلب ۵۲ مرکزی‌میز بار. حاضر ایسه اولر او ییرده مسلک اوگه‌نیش بیلن شغللنگن شاگردلر سانی، قریب ۲۰ مینگ دیر.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، ایش و اجتماعی ایشلر وزیرلیگی مسئوللری، افغانستان ده مخدره ماده گه چلینگن کیشی‌لر نینگ بارلیگی نی سرپرست حکومت برابریده جدی بیر قیین‌چیلیک دیب و دنیا جماعه‌دن، مخدره ماده گه چلینگنلر درمانی و اولر گه تعلیم اورگه‌تیش زمینه‌لری یره‌تیلیشی خصوصیده مذکور حکومت بیلن همکارلیک قیلیشلری نی ایسته‌گنلر.
ایش و اجتماعی ایشلر وزیرلیگی نینگ اداری و مالی معینی محمد حق‌بین گه کوره: «خیریه جمغرمه‌لری و خارجی موسسه‌لر بو رقم مرکزلر خصوصیده خاص توجه قیلیشلری کیره‌ک که، مسلک اوگه‌نیش بولیمی‌ده ایشله‌سینلر. حاضر ایسه افغانستان بویلب ۱۱۰ مرکز بار و اسلام امیرلیگی ۵۰ مرکز‌دن حمایت قیله‌دی و قالگنی یسه موسسه‌لر آرقه‌لی تکمیل بوله‌دی. بو مرکزلر سانی نینگ کوپه‌یشی کیره‌ک.»
عین حالده، اوشبو برنامه‌نی بیتیرگن معتادلر درمانی و کسب اورگه‌نیش مرکزلر نینگ یامان سلامت‌لیک وضعیتی‌دن شکایت قیله‌دیلر.
۲۰ ییل معتاد‌لیک‌دن کیین سکیز آی آلدین «امید» درمانی مرکزی گه کیلتیریلگن و حاضر ایسه بکس تیکیش بیلن شغللنگن عبدالحکیم، مذکور مسلک اورگه‌نیش مرکزلر وضعیتی نی بو رقم دیب بیان قیله‌دی: «تشقری‌ده مخدره ماده قولگه کیلگنی صورت‌ده، بو ییرده بیزلر نی ایکی سقلسه‌لر هم فایده‌سی یوق، چونکه تشقری‌ده مخدره ماده نی کورگنیمیز‌ده اونینگ قوللنیش گه مجبور بوله‌میز. بازاردن ماده‌لر نی توپله‌گنلری صورت‌ده، ساغله‌میز. بو ییرده قیین‌چیلیک کوپ. درست حمام یوق و پاک کییم یوق. قیین‌چیلیک کوپ دیر.»
شونده‌ی بیرحالده، مخدره ماده گه چلینگنلر نینگ عایله‌لری سرپرست حکومت‌دن معتادلر سانی کوپه‌یشی آلدی آلینیشی و اولر نینگ قیته مخدره ماده گه چلینمسلیک‌لری اوچون، بازارده بو ماده نینگ ساتیلیشی آلدی آلینیشی نی ایسته‌گنلر.
کابل یشاوچیسی بولمیش و سکیز ییل‌دن بیری اوغلی مخدره ماده گه چلینگن غلام نینگ ایتیشیچه، حاضرگچه اوغلی نیچه مرته درمان آستیده قرار تاپگن؛ بیراق بازارده مخدره ماده بارلیگی و اوشبو ماده‌لر نینگ قوله‌ی شکلده قولگه کیلیشی، اوغلی نینگ قیته مخدره ماده گه چلینیشی گه سبب بولگن.
بیزلرنینگ فیسبوک صحیفه‌میزگه باش اورینگ!
غلام نینگ سلام‌وطندار گه کوپه‌یتیریشیچه: «هیچ شخصی کمپ قالمه‌دی که اوغلیم نی آلیب بارگن بولمسه‌م. هر کمپ‌ده بیر یا-ده ایکی آی قاله‌دی و درمان‌لنه‌دی. کمپ‌دن چیقگنی‌ده‌ی، تشقری‌ده معتادلر و مخدره ماده بار که ینه هم مخدره ماده گه یوز کیلتیره‌دی.»
ایتیش کیره‌ک که، حاضر ایسه افغانستان ده کمیده ۴ میلیون کیشی مخدره ماده گه چلینگن دیر.
