مملکت بوییچه بیرقطار تومن‌لر طالبان قولیگه سقوط قیلگنی باعث، طالبان هجومی‌نی آرتده اوریش مقصد ده مردمی کوچلر شکل آلگن.

جهاد سابق قومندان‌لری هم امنیتی کوچلردن حمایت قیلیش مقصد ده اهالی‌نی بسیج قیلگن‌لر. ملی اسلامی جنبش حزبی رهبری مارشال عبدالرشید دوستم، افغانستان اسلامی وحدت حزبی رئیس محمد محقق و اسلامی جمیعت حزبی نینگ اجره‌لگن شاخه‌سی رئیسی عطامحمد نور جهاد سابق قومندانلری و طرفدارلریدن طالبان‌گه قرشی بسیج بولیش‌لرینی سوره‌گنلر.

حاضرده مردمی کوچلر قومندان‌لری نینگ ایتیش‌لریچه، حکومت اولردن حمایت قیلیش و تجهیزلشدن وعده بیرگن؛ لیکن بوتوغریده کم‌چیلیکلر موجود دیر.

محمد محقق دفتری نینگ رئیسی غلام قادر اسکندری و مارشال عبدالرشید دوستم نینگ سوزلاوچیسی احسان نیرو نینگ ایتیشیچه، محلی و مردمی کوچلر طالبان‌گه قرشی مبارزه قیلیش اوچون روحیه‌لی دیر و طالبان قولی‌گه سقوط قیلگن تومن‌لرنی قیته‌دن آلیش اوچون حکومت تامانیدن قرار آلینگن صورتده، امنیتی کوچلرگه یاردم بیریش‌گه تیار دیرلر.

عین‌حالده، بلخ ولایتی کینگش باشلیغی افضل حدید و فاریاب ولایتی کینگش عضوی نادر سعیدی نینگ ایتیشیچه، حکومت نینگ مردمی کوچلردن حمایت قیلمه‌گنی سبب، تومن‌لر سقوط قیلگن. اولرنینگ کوپه‌‎یتیریش‌لریچه، اوشبو کوچلرنی حربی عملیات انجام بیریش‌گه سهم‌لری یوق و یالغیز جبهه نینگ آرقه‌سیده امنیتی کوچلرگه یاردم بیره‌دیلر.

بوتوغریده ملی مدافعه وزیرلیگی فکرینی آلیش اوچون سعی و حرکت قیلدیک، لیکن موفق بولمه‌دیک، بیراق بیرقطار تومن‌لر سقوط قیلگنی‌نی و مردمی کوچلر شکل آلگنیدن سونگ، ملی مدافعه وزیرلیگی اوشبو کوچلردن حمایت قیلیشی‌نی بیلدیرگن ایدی.

مرتبط با این خبر:

کلیدی کلمه‌لر: // // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام