باش پناه ایزلاوچیلر بوییچه بیرلشگن ملت‌لر تشکیلاتی نینگ عالی کمیشنری فیلیپو گراندی نینگ ایتیشیچه، افغانستان ده قیزلر و عیال‌لر شامل میلیونلرچه انسان گه یاردم اوچون انسان‌دوستلیک برنامه‌لر نینگ دایمی شکلده حمایت بولیشی کیره‌ک.
بیرلشگن ملت‌لر تشکیلاتی نینگ عالی کمیشنری بوگون (یکشنبه، ۲۴-میزان) توییتر صحیفه‌سیده یازگن که، جناب گراندی ایران و پاکستان ده‌گی افغانستان مهاجر یشاوچیلریدن حمایت قیلینیشی خصوصیده انسان‌دوستلیک برنامه‌لردن پایدار شکلده حمایت بولیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
اسلامی امارت نینگ قدرت گه ایریشگنیدن کیین، افغانستان ده ایش‌سیزلیک و قشاق‌لیک میزانی کوپه‌یگن دیر.
خلق‌ارا یاردم‌لر تشکیلاتی نینگ آماری اساسیده، حاضر ایسه افغانستان یشاوچیلریدن ۹۵ فایزدن آرتیغی قشاق‌لیک چیزیغی آستیده قرار تاپگن و شونینگدیک مذکور مملکت جمعیتی‌دن یریمی‌دن آرتیغی حیات‌ده قالیش اوچون انسان‌دوستلیک یاردم‌لر گه نیازلری بار.
اوتگن بیر ییل‌ده ایش‌سیزلیک و قشاق‌لیک نینگ کوپه‌یگنی، مملکت یشاوچیلری نینگ نظیری کوریلمه‌گن درجه‌ده ایران و پاکستان گه مهاجرت قیلیشلری گه سبب بولگن.
بیزلرنینگ توییترده هم تعقیب قیلینگ!
نیچه مدت آلدین ایران تشقی ایشلر وزیری امیر عبداللهیان ایتگن ایدی که، افغانستان ده اسلامی امارت نینگ قدرت گه ایریشگنیدن کیین، مذکور مملکت یشاوچیلریدن بیر میلیون‌‌دن آرتیغی ایران گه مهاجرت قیلگن.
ایتیش کیره‌ک که، افغانستان نینگ مهاجر یشاوچیلریدن قطاری ایران و پاکستان مملکت‌لریده یامان اقتصادی وضعیت‌ده قرار تاپگن دیر
