اسلامی امارت ایچکی ایش‌لر وزیرلیگی مطبوعاتی بولیمی باشلیغی سید خوستی نینگ بوگون “سهشنبه” کابلده اوتکزیلگن خبری بیر ییغینده ایتیشیچه، بوگوندن باشلب پاسپورت ریاستی نینگ فعالیتی قیته باشلنگن.
اونینگ کوپه‌یتیریشیچه، بیرینچیدن سابق ثبت نام قیلگن کیشی‌لرگه پاسپورت بیریله‌دی و اوندن سونگ، باشقه اهالی‌گه توزیع قیلینه‌دی.
بیزلرنینگ فیسبوک صحیفه‌میزگه باش اورینگ!
جناب خوستی گه کوره، یشاوچیلر قیین‌چیلیکلرینی حل قیلیش و اولرنینگ عاجل نیازلرینی رفع قیلیش اوچون حاضرده سابق حکومت پاسپورتی توزیع ایتیله‌دی.
اونینگ ایتیشیچه، پاسپورت ده درج ایتیله‌دیگن نام، لوگو و باشقه مشخصات‌لر خصوصیده بحث‌لرنی دوامی بار و اسلامی امارت رهبرلیگی بوتوغریده تیزلیککه قرار قیله‌دی.
جاری ییل ۲۴ اسد ده اسلامی امارت کابلگه حاکم بولگنیدن سونگ، پاسپورت ریاستی شامل بوتون دولتی نهادلرنینگ فعالیت‌لری توخته‌تیلگن ایدی.
