دود، باروت و اوروش‌لر آره‌سیدن اوتیب جوزجان ولایتی نینگ تومن‌لری تامان یولگه چیقدم، کیچیک و یاش ییگیت‌لر آته‌لری نینگ قیتیب-کیلیش‌لرینی کوته‌ریدیلر و آته‌لرینی کوریش اوچون هر موترنی آرقه‌سیدن چاپه‌دیلر.
نامید باله‌لر و کوتیب تورگن آنه‌لرنینگ قره‌ش‌لری هر آدم نینگ یوره‌گی نی سوو قیله‌دی. سقفی بولمه‌گن بیر اویگه کیردیم عسکر باله‌سی طالبان اوروشیده دنیا دن اوتگن آنه‌نی کوز یاشی بیلن کوردیم.
طالبان اوروشی سبب، عسکر باله‌سینی قولدن بیرگن بی‌بی حوا نام‌لی عیال نینگ ایتیشیچه، مملکتده دوامی بولگن اوروش‌لر یتیم باله‌لر و بیوه عیاللر رقمی کوپه‌یشی‌گه سبب بولگن و اوروش‌لرنینگ دوامی کوپ قطار عیال‌لرنینگ بیوه و کوپ قطار باله‌لرنینگ یتیم بولیشی گه سبب بولیشی ممکن.
اوروش‌لر سبب، عسکر باله‌سینی قولدن بیرگن آنه، اوروش تامان‌لریدن تینچلیک ایسته‌ب و تینچ فضا ده حیات کیچیریشی‌نی ایسته‌یدی.
بی‌بی حوا نینگ ایتیشیچه: «قچانگچه شهید بیره‌یدیک، بوگون هلاک ایتیله‌دیگن یاشلر و ژورنالیست‌لر بیزنینگ فرزندلریمیز دیر، یالغیز مینی فرزندم دنیا دن اوتگن ایمس، باشقه کوپ قطار آنه‌لر هم فرزندلرینی قولدن بیرگن، بیز تینچلیک ایسته‌یمیز اوروشدن خسته بولگن‌میز. قچانگچه آواره بوله‌یدیک.»
باشقه بیر قیشلاققه کیریش بیلن عیاللر و باله‌لرنینگ ناله و فریادینی ییشیتم، او ییرده بیر عایله طالبان قطاریده بولگن عضوینی قولدن بیرگن ایدی.
عیاللر و باله‌لرنینگ ناله و فریادینی تعقیب قیلیب بیر اویگه باردیم، قیغولی بیر آنه طالبان قطاریده بولگن اوغلی نی ینگی‌لیکده قولدن بیرگن ایدی.
اوزینی حسینا تانیتگن آنه نینگ ایتیشیچه، هرکون یاش‌لرنی توپراققه قویه‌دیلر و اوروشدن خسته بولگنلر و اوروش نینگ یکونلنتیریش کیره‌ک. اونینگ کوپه‌یتیریشیچه، اوروش‌لر نتیجه‌سیده ایکی تامانده هم هلاک ایتیله‌دیگنلر مسلمان و بیر کتاب دن پیرولیک قیله‌دی.
اوشبو آنه اوروش تامان‌لریدن اوروش‌گه نقطه قویب و اوز ایستک‌لرینی سوزلشوو آرقه‌لی مطرح قیلیشی‌نی ایسته‌یدی.
حسینا نینگ ایتیشیچه: « بیز تینچلیک ایسته‌یمیز، اوروش بولمه‌سین. بیز هردایم اوروش آره‌سیده میز، یالغیز اوروش بار. ایناغه‌م، ابه‌م نی اوغلی و تورموش اورتاغیم نی ایناغه‌سی طالب دیر. ایناغه‌م و تورموش اورتاغم نی ایناغه‌سی طالب ایدی هلاک ایتیلدی، بیز تینچلیک ایسته‌یمیز.»
طولانی سفردن سونگ، قیته‌دن جوزجان مرکزی تامان یولگه چیقدم و مملکتده دوامی بولگن اوروش‌لر خصوصیده دین عالم‌لر بیلن صحبت اوتکزدیم.
جوزجان ولایتیده دین عالم‌لردن بیری مولوی احمدشاه نینگ ایتیشیچه، مملکتده دوامی بولگن اوروش شرعی لحاظ دن ناروا دیر و اوروش تامان‌لرینی یره‌تیلگن فرصتدن فایده‌لنیب و قیین‌چیلیکلرینی مذاکره آرقه‌لی حل قیلیش‌لری کیره‌ک.
امنیتی کوچلر و طالبان گروهی اعضالریدن بیرقطاری نینگ کیم‌لیکلری سیرقالیش‌نی ایسته‌ب ایتیش‌لریچه، دوامی بولگن اوروش‌لردن خسته بولگنلر و اوروش یکونلنیشی و بیرلیک و بیرپارچه‌لیک کیلتیریلیشی‌نی ایسته‌یدیلر.
