اسلامی امارت ایش و اجتماعی ایشلر وزیرلیگی مسئوللری، بوگون دولت نینگ ملت گه حساب بیریشی خصوصیده یولگه قوییلگن خبری بیر ییغینده ایتگن که، مذکور وزیرلیک سونگی بیر ییل جریانیده، ۳۷ مینگ ۳۲۳ ایش جوازی نی ایچکی یشاوچیلر گه و ۱ مینگ ۲۹۷ ایش جوازی نی تشقی یشاوچیلر گه ترقهتگن دیر.
اوشبو ییغینده ایش و اجتماعی ایشلر وزیرلیگی معینی مخدوم عبدالسلام نینگ ایتیشیچه، مذکور وزیرلیک اوتگن بیر ییلده، تورلی منبعلر و ایش جوازی نی ترقهتیش بیلن ۴۳ میلیوندن آرتیق عواید توپلهگن دیر.
بیزلرنینگ توییترده هم تعقیب قیلینگ!
شونینگدیک مذکور ییغینده ایش و اجتماعی ایشلر وزیرلیگی نینگ کوپهیتیریشیچه، سونگی ییلده، اوشبو وزیرلیک ۴۰ مینگ ۴۰۲ باله و نیازمند عایلهلر گه نقدی یاردملر، ییگولیک مادهلر و انساندوستلیک یاردملر گه قول تاپیشلری اوچون زمینه یرهتگن دیر.
ایش و اجتماعی ایشلر وزیرلیگی گه کوره: «ایش و اجتماعی ایشلر وزیرلیگی توپلم ۳۷۳۲۳ قطعه ایش جوازی نی مملکت ایچکی یشاوچیلری گه ترقهتگن دیر که اوشبو ایش بیلن مملکت یشاوچیلری ایش قیلیش گه شوق تاپیب و ایش و اجتماعی ایشلر وزیرلیگی اهالی گه خذمت قیلیش اوچون ایش جوازی نی ترقهتگن دیر.»
ایش و اجتماعی ایشلر وزیرلیگی معینی گه کوره، سونگی بیر ییلده، تورلی پروژهلر و آستقورمهلر جملهدن، قوش تیپه، سرپل نینگ نفت و گاز پروژهلری و کابل نوین پروژهلری افتتاح بولگن دیر که اوشبو پروژهلر اساسیده کمیده ۷۰ الی ۸۰ مینگ کیشی گه ایش زمینهسی نی یرهتیلیشی ممکن.
شوندهی بیرحالده، اقتصادی ایش بیلرمانلردن ایرج فقیری نینگ بو توغریده ایتیشیچه، ۷۰ الی ۸۰ مینگ کیشی نینگ ایش گه قول تاپیشی خصوصیدهگی مسئلهلر نینگ حقیقتی بولگنی صورتده، افغانستاندهگی ایشسیزلیک نینگ ۴۰ فایزی اورتهدن کیتیشی ممکن.
بیزلرنینگ فیسبوک صحیفهمیزگه باش اورینگ!
ایش و اجتماعی ایشلر وزیرلیگی سونگی بیر ییل جریانیده، ۸ مینگ ۵۹۷ کیشی گه مسلکی و حرفوی تعلیم زمینهسی نی فراهم قیلگن. شونینگدیک اوشبو وزیرلیک ۱۵ ته پرورشگاه ایشی نی هم باشلهگن دیر که، بو آرهده، لوگر ده پرورشگاهلردن بیری نینگ ایشی تکمیل و نورستان، دایکندی، جوزجان و تخار ده هم ۴ پرورشگاه نینگ ایشی اینگ یقین زمانده تکمیل بولیشی ممکن.
اوشبو وزیرلیک مسئوللری گه کوره، تیلنچیلر نینگ توپلنیشی، معتادلر نینگ توپلنیب و درمانلنیشی، بالهلر نینگ آغیز ایش قیلیشلریدن توسیق بولیش و ظرفیتلر نی یوقاری کیتیشی اوچون مسلکی و حرفوی تعلیملر نینگ طرحی سونگی بیر ییلده اجتماعی ایشلر وزیرلیگی نینگ یوتوقلریدن دیر.