غور ولایتی حاکمی نینگ مطبوعاتی دفتری بیر خبرنامه ترقه‌تیب ایتیشیچه، اوشبو ولایت نینگ حاکمی احمدشاه دین‌دوست، اداری هفته‌لیک ییغینیده، یاردم بیرووچی مؤسسه‌لر نینگ ایش جریانیدن تنقید قیلیب و اولرنینگ بیرگن معلومات‌لرینی یالغان دیگن.
خبرنامه‌ده کیلیشیچه، غور حاکمی مذکور ولایتده‌گی برچه سکتور باشلیغ‌لریدن، غور ولایتی بویلب خصوصی مؤسسه‌لر نینگ ایشلرینی نظارت ایتیش‌لرینی سوره‌گن؛ چونکه غور حاکمی گه کوره، اوشبو مؤسسه‌لر نینگ مقصدی اهالی گه خذمت قیلیش ایمس و اولر تامانیدن پایله‌شیلگن معلومات‌لر یالغان دیر.
بیزلرنینگ فیسبوک صحیفه‌میزگه باش اورینگ!
خبرنامه‌ده بونده‌ی کیلگن: «مؤسسه‌لر نینگ ایشلرینی نظارت قیلینگیزلر؛ چونکه اوشبو مؤسسه‌لر نینگ مقصدی اهالی گه خذمت قیلیش ایمس و اولر تامانیدن شیریک قیلینگن برچه معلومات‌لر یالغان دیر و شونینگدیک مؤسسه‌لر خصوصی سکتورلر گه انیق معلومات بیریش گه حاضر ایمس‌لر، حاضر فعالیت قیلیش گه اجازه‌لری یوق دیر.»
غور حاکمی نینگ سوزلاوچیسی عبدالواحد حماس اوشبو خبرنامه‌نی تصدیقلب سلام‌وطندار گه ایتیشیچه، غورده ۲۰ خصوصی مؤسسه نینگ فعالیتی توخته‌تیلگن و ولایت مقامی نینگ کیینگی بویروغی گه قدر فعالیت گه حق‌لری یوق دیر.
عین‌حالده، غور معلومات و مدنیت باشلیغی عبدالحی زعیم، مؤسسه‌لردن بعضی‌لری بیرقطار تومن‌لرده اسلامی امارت قانون-قاعده‌لری گه قرشی فعالیت قیلگنلرینی اورغوله‌یدی. او اورنک صفتیده (ACF) مؤسسه‌دن یادلب ایتیشیچه، بو مؤسسه غور ولایتی نینگ «دولینه» تومنیده، ناتوغری تیکشیریب و انسان پرورلیک یاردم‌لرنی محتاج عایله‌لر گه ترقتمه‌گن.
غور معلومات و مدنیت باشلیغی نینگ ایتیشیچه: «دولینه تومنیده ACF مؤسسه‌سی، بای و سابق ملی امنیت اداره‌سیده ایشله‌گنلر و اربکی‌لرنی تیکشیرگن و محتاج و کمبغل‌لرنی هیچ تیکشیرمه‌گن، یاردم بولگن تقدیرده قشاق و محتاج‌لر گه ترقه‌تیلیشی درکار، ACF مؤسسه‌سیده فساد موجود دیر.»
بیزلرنینگ توییترده هم تعقیب قیلینگ!
شو بیلن بیرگه، غورده‌گی خصوصی مؤسسه‌لر نینگ مسئول‌لریدن قطاری، کیم‌لیکلری سیر قالیش شرطی بیلن سلام‌وطندار گه ایتیشلریچه، ولایت حاکمی نینگ بویروغی اساسیده، اوشبو ولایتده برچه مؤسسه‌لر نینگ فعالیتی توخته‌تیلگن. اولر گه کوره، اسلامی امارت فعالیت اجازه‌سینی بیرمه‌گونچه، ایشله‌ی آلمه‌یدیلر.
غورده نادولتی مؤسسه‌لر فعالیتی اسلامی امارت تامانیدن عین‌حالده توخته‌تیلگن که، مذکور ولایت اکثر یشاوچیلری انسان پرورلیک یاردم‌لر گه محتاج دیر.
