امریکا ده جمهورلیک ریاستی سیلاو کمپاینی باشلنگنیدن نیچه آی اۉتماقده اېکن، افغانستان مسئلهسی و اوشبو مملکتدن امریکا قۉشمه ایالتلری حربی کوچلری نینگ چیقیشی سیلاو کمپاینی مهم موضوعلری گه اېلنگن.
ینگیلیکده، امریکا سابق چمهور باشلیغی و اوشبو مملکت نینگ ۲۰۲۴-ییل جمهورلیک ریاستی سیلاو نامزدلریدن بولمیش دونالد ترامپ، بو مملکت حربی کوچلری افغانستان نی ترک اېتیشیدن سۉنگ، امریکا نینگ ۸۵ میلیارد دالرلیک حربی قورال-یراغی افغانستان گه قالیب و حاضرگی کونده افغانستان امریکا نینگ قورال-یراغلری ساتیلیش بویوک بازاری گه ایلنگنینی ادعا قیلگن.
اسلام امیرلیگی، دونالد ترامپ نینگ افغانستانده امریکا نینگ قورال-یراغلری ساتیلیش ادعاسینی رد اېتهدی.
بیزلرنینگ فیسبوک صحیفهمیزگه باش اورینگ!
اسلام امیرلیگی سۉزلاوچیسی نینگ اۉرین باسری حمدالله فطرت، دونالد ترامپ نینگ بیاناتی گه مناسبت بیلدیریب سلاموطندار گه ایتیشیچه: «افغانستانده قالگن برچه قورال-یراغلر حاضر هم بار و اولرنی قاچاق قیلیش اوچون هېچ کیمگه رخصت بیریلمهیدی، بولر افغانستان گه عاید دیر، ملی و دینی ناموس دن دفاع قیلیش اوچون اوندن قوللنیلهدی.»
دونالد ترامپ، امریکا قۉشمه ایالتلری جمهورلیک ریاستی سیلاوی ده اوشبو مملکت نینگ حاضرگی جمهور باشلیغی جوبایدن بیلن رقابت قیلماقده اېکن بوندهی بیانات بیرگن.
ایش بیلرمانلر نینگ ایشانچی گه کوره، دونالد ترامپ نینگ افغانستان گه دایر بیاناتی، سیلاو کمپیاینی ریکلامی بولیب و ترامپ امریکا سیلاوی گه غالب بولگن حالده، بو مملکت نینگ افغانستان گه دایر سیاستیده جدی اۉزگریش کیلمهیدی.
بیزلرنینگ «ایکس» ترماغی ده هم تعقیب قیلینگ!
خلقارا مناسبتلر ایش بیلرمانی ولی فروزان گه کوره: «امریکا نینگ افغانستان گه دایر سیاستی اۉزگرمهیدی، بونی نه دونالد ترامپ و نه باشقهلری اۉزگرتیره آلهدی، یالغیز افغانستاندن تهدید حس بولگن حالده بعضی اۉزگریشلر کېلتیریلیشی ممکن.»
قطر پایتختی دوحه شهری ده، دونالد ترامپ جمهورلیک ریاستی دوریده امریکا و اسلام امیرلیگی اۉرتهسیده افغانستاندن امریکا قۉشمه ایالتلری حربی کوچلری نینگ چیقیش بیتیمی امضالنگن اېدی و جوبایدن جمهورلیک ریاستی دورهیده عملگه آشیریلدی.
