امریکا و اسلام امیرلیگی بوگون‌دن تورت ییل اول اۉزاق مذاکره‌لردن سۉنگ قطر پایتختی دوحه ده شرطنامه امضاله‌دیلر. افغانستان‌دن تشقی کوچلر نینگ چیقیشی، اسلام امیرلیگی قوراللی عصیانچی گروه‌لر بیلن علاقه‌سینی اۉزیش، افغانستان‌لیک‌لر آره‌سیده مذاکره‌لر باشلنیشی و افغانستانده آتیش کېسین برقرار ایتیلیشی اوشبو شرطنامه نینگ اساسی موضوع‌لری‌دن اېدی.
سرپرست حکومت سۉزلاوچیسی ذبیح‌الله مجاهد نینگ سلام‌وطندار گه ایتیشیچه، امریکا اوشبو کیلیشونامه اساسیده افغانستان نینگ ینگی حکومتی بیلن رسمی بیر حکومت اوله‌راق همکارلیک قیلیشی لازم اېدی، لېکن بو ایش اۉرنیده سرپرست حکومت گه توسقین‌لیک قیلگن.
مجاهد نینگ کوپه‌یتیریشیچه: «بو کیلیشوو ده امریکا افغانستان نینگ کیله‌جک حکومتی بیلن عادی همکارلیک، افغانستان نینگ ترقیاتی اوچون حصه قوشیب قانونی و مستقل بیر مملکت اوله‌راق افغانستان بیلن تعامل قیلیب و تحریملر رویخطی بیکار قیلینیشی قید اېتیلگن که او ییرده اسلام امیرلیگی بویوک‌لری نینگ اسمی هم بار، لېکن افسوس بیلن بولر گه عمل بولمهدی، عادی تعامل بولمه‌گن، بویوک‌لریمیز نینگ اسمی حاضر هم تحریملر رویخطی‌ده دیر که اسلام امیرلیگی نینگ تن آلینیشی گه توسیق بولیب و اقتصادی باسیم‌لر گه سبب بولگن.»
بیزلرنینگ فیسبوک صحیفه‌میزگه باش اورینگ!
عین‌حالده، آق‌سرای بو شرطنامه اسلام امیرلیگی فایده‌سی گه یکونلنیب و اوشبو حکومت نی کوچنلتیرگن و افغانستانده امریکا شریک‌لرینی کوچ‌سیز قیلگنینی ادعا قیلگن.
آق‌سرای سۉزلاوچیسی کارین ژان پییر اۉتگن کیچه خبری کنفرانس ده ایتیشیچه، امریکا افغانستان سرپرست حکومتی‌دن اوشبو شرطنامه گه عمل قیلیشینی سۉره‌گن.
آق‌سرای سۉزلاوچیسی گه کوره: «اسلام امیرلیگی دوحه کیلیشووی گه عمل قیلمه‌گن، اولر افغان تامان‌لری بیلن مذاکره‌لرنی باشلب و همه‌شمول حکومت شکللنتیریش‌لری کېره‌ک اېدی، اسلام امیرلیگی دوحه کیلیشووی گه عمل قیلیش اوچون سعی‌وحرکت قیلماقده‌میز.»
شو بیلن بیرگه، ایش بیلرمان‌لر نینگ ایشانچی گه کوره، بو شرطنامه نه‌فقط افغانستان خلقی نینگ اېستک‌لری عملی بولمسلیکّه سبب بولگن، بلکه اصلی موضوع‌لری یشاوچیلردن یاشیریلگن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان‌لردن محمود اضطرابی نینگ ایتیشیچه: «مذاکره‌لر نینگ موضوع‌سیدن هیچ کیم نینگ خبری یوق، افغانستان خلقی مذاکره‌لر موضوع‌سیدن خبر بولیش‌لری کېره‌ک اېدی افسوس بیلن شریک قیلینمه‌گن.»
اوشبو شرطنامه نینگ باشقه بیر بولیمی افغانستان‌لیک‌لر آره‌سیده مذاکره‌لر باشلنیشی اېدی که بو مذاکره بیلن افغانستانده حکومت شکللنیشی کوتیلردی، بیراق اسلام امیرلیگی اوشبو مذاکره‌لر نینگ عملی بولمسلیگی اوچون جمهوریت حکومتینی سببچی دیب بیله‌دی.
عین‌حالده، ایش بیلرمان‌لردن باشقه بیر قطاری نینگ ایشانچی گه کوره، اسلام امیرلیگی حاکمیت‌لری‌دن کیېن افغانستان‌نی سیاسی انقراض دن قوتقریش مقصدیده همه‌شمول حکومت شکللنیشی اوچون مذاکره قیلیشی کېره‌ک اېدی.
سیاسی ایش بیلرمان محمدباقر محسنی گه کوره: «اسلام امیرلیگی دوحه بیتیمی اساسیده افغانستان‌لیک‌لر آره‌سیده مذاکره قیلیب و اوشبو مذاکره‌لر آرقه‌لی حکومت شکللنیش وعده‌سینی بیرگن، بونده‌ی ایش بولگنده اېدی افغانستان سیاسی انقراض گه دوچ بولمسدی.»
ایتیش کېره‌ک، دوحه بیتیمی جمهوریت تۉزومی قولشی و اسلام امیرلیگی نینگ قدرت نی آلیشی گه سبب بولدی؛ بیراق اوشبو اۉزگریش دن ایکّی ییل اۉتگچ، دنیا بویلب مملکت‌لر افغانستان ینگی حکومتینی حاضرگچه تن آلمه‌گن.