اسلامی امارت نینگ اعلام قیلیشیچه، «شرعی نظام تنفیذی»، «الهی احکام عملگه آشیریلیشی» و «جماعهنی اصلاح» قیلیش اوچون اسلامی امارت تشکیلاتیده حربی محکمه ایجاد ایتیلگن.
بوگون “چهارشنبه ” اسلامی امارت سوزلاوچیسی اورین باسری انعامالله سمنگانی نینگ توییتر صحیفهسیده یازیشیچه، اوشبو محکمه اسلامی امارت رهبری هبتالله آخوند زاده نینگ فرمانی اساسیگه ایجاد ایتیلگن.
اسلامی امارت رهبری نینگ فرمانیگه کوره، مولوی عبیدالله نظامی حربی محکمه باشلیغی و مولوی سیدآغا و مولوی زاهد آخندزاده اوشبو محکمه قاضیلری صفتیده تعیینلنگنلر.
جناب سمنگان نینگ کوپهیتیریشیچه، اسلامی امارت حربی محکمهسی، امنیتی نهادلر مسووللری و اعضالریگه قرشی دعوا لرنی اسلامی شریعتی اساسیگه تیکشیریب و قرار قیلهدی. اونینگ ایتیشیچه، حربی محکمه قراری اوچ تامانلمه محکمه و اسلامی امارت رهبری تامانیدن تصدیق ایتیلگنیدن سونگ، عملگه آشیریلهدی.