اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری معینی، بوگون معلومات و مدنیت وزیرلیگی‌ده خلق‌ارا مطبوعات کونی مناسبتی گه یولگه قوییلگن برنامه‌ده، رسانه‌یی تخطیسی و قیین‌چیلیکلر نی حل قیلووچی کمیسیونی نینگ قیته فعال بولگنیدن خبر بیرگن.
اسلامی امارت سوزلاوچیسی اوشبو کمیسیون ساختاری خصوصیده معلومات بیرمه‌ی ایتیشیچه، مذکور کمیسیون ساختاریده، رسانه‌لر، عالم‌لر و حکومت نماینده‌لری موجود دیر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «رسانه‌یی تخطی کمیسیونی نهایی بولدی، یعنی اوشبو کمیسیون نینگ فعال بولیش امری صادر بولدی، مذکور کمیسیون نینگ ساختاری هم برچه‌میز نی فایده‌میز گه بولیشی ممکن. اوشبو کمیسیون‌ده رسانه‌لر، عالم‌لر و حکومت نماینده‌لری نینگ حضوری بار و بو کمیسیون نینگ یولگه قوییلگنیدن مقصد، رسانه‌لر فعالیت‌لری نینگ قیین‌چیلیکلری نی حل قیلیش دیر.»
شونده‌ی بیرحالده، رسانه‌یی نهادلر و افغانستان خبرچیلر مسئوللری سلام‌وطندار بیلن اوتکزگنلری صحبت‌ده، رسانه‌لر قیین‌چیلیکلری نی حل بولیشی اوچون اوشبو کمیسیون نینگ ایجاد بولیشیدن خوش قرشی‌له‌یدیلر، بیراق اولر نینگ تاکید قیلیش‌لریچه، اوشبو کمیسیون نینگ ساختاری، مقصدی و قنده‌ی تشکیل بولیشی خصوصیده اولر بیلن مشوره بولمه‌گن.
افغانستان رسانه‌یی نهادلر و ژورنالیست‌لر فدراسیون عضوی مسرور لطفی نینگ ایتیشیچه: «رسانه‌لر‌ده تخطی‌لر، قیین‌چیلیکلر و ادعالر موجود بولگن بیرحالده، بو قیین‌چیلیکلر نی حل قیله آله‌دیگن یالغیز یول رسانه‌لر تخطی کمیسیونی دیر و اوشبو اقدام اوچون خورسند‌لیک قیله‌میز، بیراق رسانه‌یی معتبر نهاد‌لرده فعالیت قیله‌دیگنلر بیلن بو بولیم‌ده اولر بیلن هیچ مشوره بولمه‌گن.»
بیزلرنینگ توییترده هم تعقیب قیلینگ!
باشقه بیر تامان‌دن، نی-یاده افغانستان ایرکین رسانه‌لردن حمایت قیلووچی مسئولی سلام‌وطندار بیلن اوتکزگن صحبتی‌ده، سرپرست حکومت‌دن خبرچیلر و رسانه‌یی نهادلر گه رسانه‌لر تخطی کمیسیون اعضاسی نینگ انتخاب قیلیش اوچون سیلاو زمینه‌سی نی فراهم قیلیش‌لری نی سوره‌گن.
شونینگدیک ذبیح‌الله مجاهد، تیزلیککه معلومات گه قول تاپیش کمیسیون ایشی نینگ باشلنیشی‌دن خبر بیره‌دی. عین حالده اسلامی امارت نینگ قدرت گه ایریشگنی‌دن بویان، خبرچیلردن بیر قطاری قولگه آلینیب و بیر قطاری ایسه کلتک‌لنگن.
