اسلام امیرلیگی اقتصاد وزیری قاری دینمحمد حنیف، افغانستان ده ناروی کمیتهسی عمومی باشلیغی تاریا مگنوسون واتردال بیلن اوچرهشیب و صحبت قیلگن.
اقتصاد وزیرلیگینینگ بوگون (۱۱-اسد، یکشنبه)، اکس صحیفهسیده بیر بیانیه آرقهلی یازیشیچه، حنیف و افغانستان ده ناروی کمیته باشلیغی قوشمه همکارلیکلرنی مستحکملش، انسانسیورلیک و ترقیاتی یاردملرنی دوام ایتیریش همده بو کمیتهنینگ افغانستان بوییچه استراتژیسی حقیده صحبت قیلگنلر.
بیانیهده تاریا مگنوسون واتردال دن نقل بولیب کیلیشیچه، ناروی کمیتهسینینگ افغانستان بوییچه تورت ییللیک استراتژیسی آزیق-آوقت خوفسیزلیگی، طبیعی منبعلر مدیریت بولیشی و ساغلیقنی سقلش شامل اوچته اساسی ساحهسیگه قرهتیلیب و اونده ظرفیت آشیریلیشی و مسلکی تعلیملر بیریلیشیگه هم توجه قیلینگن.
ناروی کمیتهسی باشلیغیگه کوره، علاقهلر بولیمی اوشبو استراتژینینگ اینگ مهم بولیملریدن بولیب و بو کمیته اونینگ آرقهلی خلقارا همجمعیتگه افغانستان دن حقیقی و ایجابی تصویرنی کورسهتیشگه سعیوحرکت قیلهدی.
شونینگدیک بو اوچرهشووده اقتصاد وزیری، ناروی کمیتهسینینگ استراتژیسی عملگه آشیریلیشینی افغانستان یشاوچیلری تیریکچیلیگی وضعیتی یخشیلنیشیده مهم آدیم دیب و ایتیشیچه، اسلام امیرلیگی ملی منفعت، اقتصاد رواجلنیشی، برقرار امکانیتلر یرهتیلیشی و افغانستانلیکلر آسایشتهلیگی توغریسیدهگی برنامهلردن حمایت قیلهدی.
