افغانستان یشاوچی‌لریدن کوپینچه‌سی ناتینچلیک، ایش‌سیزلیک و یخشی حیات زمینه‌سی بولمه‌گنی باعث، ناقانونی مهاجرلیککه یوز کیلتیریشه‌دی.
مملکت یشاوچی‌لری تینچ بیر حیات گه ایریشیش اوچون ناقانونی مهاجرلیک آرقه‌لی اروپالیک مملکتلر تامان یول آله‌دی که اولر بو یولده کوپینچه قیینچیلیکلر بیلن دوچ کیله‌دی. مملکت یشاوچی‌لری ناقانونی مهاجرلیک نینگ خوف و خطرلریدن باخبر ایمس دیر و باشقه بیر تاماندن اولرنینگ باش پناه ایسته‌گی مهاجر قبول قیله‌دیگن مملکتلر آرقه‌لی رد بوله‌دی.
ناقانونی مهاجرلیک قیینچیلیک‌لری یالغیز تیریک ییتیش گه یکونلنمه‌یدی، بلکیم افغانستان مهاجرلر باش‌پناه ایسته‌گی رد بولیشی، باش‌پناه ایسته‌گی بیللی بولمه‌گنی، تقدیرلری بیللی بولمه‌یشی و افغانستان گه قیته قیتیش خوف‌لری بیلن هم روپه‌رو بولیشه‌دی.
سونگی بیر ییل ده کرونا ویروسی باش‌پناه ایزلاوچیلرنینگ کوپینچه قیینچیلیکلر بیلن دوچ قیلیب و اروپالیک مملکت‌لرده اولرنینگ حیاتی اوستیگه کوپ سلبی تأثیر قویگن. اروپالیک مملکت‌لردن کوپینچه‌سی بو ویروس نی کنترول آستیده آلیش اوچون کوپ چیکلاو یره‌تگن.
اروپالیک مملکتلرنینگ ینگی پالیسی‌لر توزه‌تیشی، افغانستانلیک مهاجرلر برابریده‌گی قیینچیلیک‌لردن بیری دیر. اولر ایش سیزلیک، ساغلیک خذمتلرگه قول تاپه آلمه‌سلیک و روانی قیینچیلیکلر بیلن دوچ کیلگن.
الیاس محمدی نیچه ییل دن بویان سویدن گه حیات کیچیرماقده. او کرونا ویروسی دن آلدین تحصیل گه علاوه، بو مملکت رستورانت‌لریدن بیری ده ایش قیلیب کیلماقده ایدی. بیراق چیکلاو یره‌تیلیشی و رستورانت‌لر باغله‌نیشی بیلن او ایشی نی قولدن بیرگن.
مهاجرلر وزیرلیگی نینگ رسانه مصلحتچیسی عبدالباسط انصاری نینگ ایتیشیچه، کرونا ویروسی رواجله‌نیشی و مملکت‌لرده چیکلاو یره‌تیلیشی باعث افغانستانلیک مهاجرلر اوتمیش کبی ایش‌لریگه دوام بیره آلمه‌دیلر.
اونگه کوره، مهاجر وزیرلیگی افغانستانلیک مهاجرلرنینگ قیینچیلیک‌لری حل ایتیلیشی اوچون اروپا ده باش‌پناه ایزلاوچیلر اداره‌لر مسئولری بیلن سوزلشگن و اَیریم برنامه‌لرنی عمل گه آشیریش بیلن مهاجرلردن قطاری گه ایش زمینه‌سی یره‌تیلیشی اوچون سعی و حرکت قیله‌دیلر.
کرونا ویروسی یالغیز اروپاده‌گی مهاجرلرنینگ حیاتی اوستیگه سلبی تأثیر قویمه‌گن، بلکیم ناقانونی شکلده اروپالیک مملکتلر تامان کیته‌دیگن کیشیلرهم کیته آلمه‌گنلر.
حبیب اکبری بیر ییل آلدین قاچاق شکلده اروپالیک مملکتلر تامان کیتیش گه قرار آلگن ایدی. بیراق او چیگره‌لر باغله‌نیشی و بو مملکتلرنینگ مهاجرلیک پالیسی‌لری اوزگریشی باعث اوشبو ایسته‌گی گه ییتیشه آلمه‌گن.
افغانستان ترکیه ده استانبول تینچلیک ییغینی عرفه‌سیده قرار تاپگن بیرحالده، بو ییغین افغانستان وضعیتی یخشی‌لنیشی و بو مملکتده تینچلیک تأمین‌لنیشی گه سبب بولیشی کوتیب توریلگن.
بیراق شونده‌ی بیرحالده، حبیب نینگ ایتیشیچه، مذکور ییغین نتیجه گه ایریشگن صورتده، افغانستان گه قاله‌دی. افغانستان یشاوچی‌لری نینگ مهاجرلیک میزانی یوقاری کیتگنی باعث، دولت خلق‌ارا نهادلر یاردمی بیلن مهاجرلیک معلومات مرکزی یا-ده « MRC» نامی ده بیر نهاد ایجاد قیلگن.
مذکور نهادر مسئوللری نینگ ایتیشیچه، ناقانونی مهاجرلیک نینگ آلدینی آلیش اوچون اهالی گه معلومات ترقه‌تیش برنامه‌لرینی قول آستیده آلگن. مهاجرلیک معلومات مرکزی نی اویغونلیک قیله‌دیگن شیرحسین هنریار نینگ سلام‌وطندارگه ایتیشیچه، مملکتده قرنطتین وضع قیلگن بیرحالده هم، معلومات ترقه‌تیش برنامه‌لریگه دوام بیرگن. «بیز اهالی بیلن علاقه گه میز. هر آیده ۲ مینگ کیشی گه تورلی یوللر آرقه‌لی مصلحت بیره‌میز. مصلحت بیریش پروسه‌سی ایجابی نتیجه بیرگن و ناقانونی مهاجرلیک میزانی نی کمه‌یتیرگن.»
مهاجر وزیرلیگی مسئوللری نینگ ایتیش‌لریچه، میلادی ۲۰۲۱- ییل باشلنگنیدن بویان کمیده ۳ یوز و ۴۷ مینگ کیشی مملکت گه قیتگن. بولردن ۳۳۸ مینگ ته‌سی ایران و ۴۲۰۰ ته‌سی ایسه باشقه مملکت‌لردن افغانستان قیتگن.
بو وزیرلیک آمارلری نینگ کورستیشیچه، میلادی ۲۰۲۰ ییل باشله‌نیشی و کرونا ویروسی رواجله‌نیشی بیلن ۸۶۰ مینگ افغانستانلیک مهاجر مملکت گه قیتگن. مهاجرلر وزیرلیگی مسئوللری نینگ ایتیش‌لریچه، کرونا ویروسی کینگه‌یشی بیلن مملکت گه قیته‌دیگن کیشیلر سانی کوپه‌یگن.
