آمریکالیک حربی‌لردن کمیده ۲ مینگ ته‌سی افغانستان نی ترک قیلگنی اعلام ایتیلگنیدن نیچه ساعت اوتگندن کیین، طالبان قندهار ولایتیده‌گی خاص قطعه کندکی ده بمب جایلشتیریلگن موتر بیلن هجوم قیلدی. هرات ده طالبان نینگ نفوذی آدم‌لری مردمی کوچلردن ۱۲ ته‌سینی اوققه توتیب اولدیردی.
قندوز ده مذکور گروه نینگ اوچووچی‌سیز اوچاقلری ۲۱۷- پامیر قول اردوسی نینگ نشانگه آلدی. بلخ ده طالبان جنگریلریدن ۸ ته‌سی هلاک و باشقه ۱۱ ته‌سی یره‌لندی. بغلان ده ایکی تورلی هجوم ده طالبان بیر کیشی نی اولدیریب و باشقه اوچ کیشی نینگ یره‌لنتیرگن و شونینگدیک مذکور گروه ۶ تیل تانکری نی اوت بیریش بیلن ۷ کیشی نی اوزلری بیلن آلیب کیتگن و نهایتده افغانستان پایتختی کابل هم بمب جایلشتیریلگن موتر و یاپیشقاق ماین پارتله‌شی گه شاهد بولدی کیم بو حادثه‌لرده، کمیده ۲ پولیس هلاک و باشقه بیر کیشی ایسه یره‌لندی.
مذکور هجوملر و آمریکالیک حربیلرنینگ افغانستان دن چیقیشی، افغانستان اهالیسی و منطقه مملکت‌لری نینگ خواطرلنتیرگن. چین، روسیه، ایران و پاکستان مملکت‌لری آمریکالیک حربیلرنینگ مسئولیت‌لی شکلده افغانستان دن چیقیش‌لری سوره‌شگن.
قندوز ولایتی کینگش باشلیغی محمدیوسف ایوبی نینگ ایتیشیچه، اوتگن کیچه بو ولایت نینگ امام صاحب تومنیده یوزبیرگن آتیشمه‌ده، امنیتی کوچلردن ۱۰ ته‌سی هلاک و باشقه ۱۲ ته‌سی یره‌لنگن.
ایچکی ایشلر وزیرلیگی نینگ سابق معینی میرزا محمد یارمند نینگ ایتیشیچه، گرچند تشقی کوچلرنینگ افغانستان دن چیقیشی بو مملکت اوروشی و تینچلیگی اوستیگه تأثیری بار، بیراق افغانستان امنیتی کوچلری توغری مدیریت بولگن صورتده، مملکت اوروشی نینگ نظارتگه آلیش کوچلری بار.
ملی خوفسیزلیک کینگش سوزلاوچیسی رحمت‌الله اندر نینگ سلام‌وطندارگه ایتیشیچه، افغانستان حکومتی آمریکا کوچلر افغانستان نی ترک قیلیشی، بو مملکت وضعیتی و امنیتی کوچلری اوستیگه سلبی تأثیر قویمه‌یشی گه هردایم اورغوله‌گن.
بوندن آلدین ناتو باش کاتبی ینس استولتنبرگ، آمریکا حربی‌لری تیزلیک بیلن افغانستان نی ترک قیلیشی بو مملکت نینگ ترورچیلر اوچون تینچ اویه گه اوزگرتیریشی ممکن دیگن ایدی.