تاشکینت شهریده اوتکزیلگن خلق‌ارا ییغلیش‌‌دن نیچه کون اوتگنی بیلن، شانگ‌های همکارلیک تشکیلاتی ییغینی افغانستان مسئله‌سی خصوصیده یولگه قوییلدی.
افغانستان مذکور تشکیلات نینگ کوزه‌تووچی اعضاسی بولسه‌ده، بیراق بو مملکت‌دن کیمسه چَقیریلمه‌گن.
بو ییغین نینگ بیرینچی کونیده شانگ‌های همکارلیک تشکیلاتی نینگ تشقی ایشلر وزیرلری منطقه اینیقسه افغانستان وضعیتی نی تیکشیرگنلر.
بیزلرنینگ توییترده هم تعقیب قیلینگ!
مذکور ییغینده، تاجیکستان تشقی ایشلر وزیری سراج الدین مهرالدین، اسلامی امارت نینگ قدرت گه ایریشگنیدن کیین، اوشبو مملکت‌ده باشقه هر زمان گه قره‌گنده کوپراق ترورچیلیک گروه‌لر گه فعالیت زمینه‌سی یره‌تیلگن.
تاجیکستان تشقی ایشلر وزیری افغانستان‌ده ترورچیلیک گروه‌لر فعالیتی، مخدره ماده قاچاق ایتیلیشی و منطقه ناتینچ‌لیگی‌گه سبب بوله‌دی دیب، شانگ‌های همکارلیک تشکیلاتی‌دن بو توغریده جدی چاره-تدبیر کوریش‌لرینی ایسته‌گن.
اونینگ ایتیشیچه: «بیز برچه‌میز افغانستان‌دن خواطرده میز، چونکه بو ییرده ترورچی گروه‌لر یخشی‌راق فعالیت قیله‌دی، اولرنی فعالیت‌لری اورته آسیا مملکت‌لری اوچون جدی تهدید دیر.»
باشقه تاماندن، روسیه تشقی ایشلر وزیری سرگی لاوروف بو ییغین نینگ بیر بولیمی‌‌ده، میدیالرگه مملکتی افغانستان قیینچیلیک‌لریگه ییچیم یول تاپیش مقصد اوزبیکستان بیلن همکارلیک قیلیشی نی بیلدیرگن.
جناب لاوروف گه کوره، روسیه و اوزبیکستان «فرمت مسکو» چارچوبی ده و چین منظم بیر شکلده افغانستان خصوصیده ییغین‌لری نی اوتکزه‌دی.
جناب لاوروف نینگ ایتیشیچه: «بیز افغانستان نینگ حاضرگی حقیقت‌لرینی تانیش و حاضرگی حکومتی بیلن همکارلیک قیلیش اوچون، اوزبیک دوست‌لریمیز بیلن یقین همکارلیگمیز بار.»
شوندی بیرحالده، هند تشقی ایشلر وزیری جی شنکر شانگ‌های همکارلیک تشکیلاتی نینگ تشقی ایشلر وزیرلری نینگ ییغینیده، بو مملکت نی افغانستان خلقی گه انسان‌پرورلیک یاردم‌لری دوامی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
شونینگدیک او، شانگ‌های همکارلیک تشکیلاتی گه اعضا مملکت‌لر نینگ اقتصادلری رواجلنیشی اوچون چابهار بندرگاهی نینگ کوچه‌یشی گه تاکید ایتکن.
اونینگ ایتیشیچه: «بوغدای، دارو و کییم شامل بولگن بیزنی انسان‌پرورلیک یاردم‌لریمیز افغانستان‌گه دوام ایته‌دی.»
ایتیش‌کیره‌ک که،میلادی ۲۰۰۱ -میلادی ییل تشکیل ایتیلگن شانگ‌های همکارلیک تشکیلاتی‌گه قزاقستان، چین، روسیه، قرغیزستان، تاجیکستان و اوزبیکستان اعضا دیر.