خلقارا خبرچیلر فدراسیونی ایچکی رسانهی بیر نهاد اویغونلیگی بیلن بیر نظر سورهش نتیجهسیده معلوم قیلگنلر که اسلامی امارت تامانیدن خلقارا رسانهلرنینگ نشراتی افغانستانده توختهتیلگنی اوشبو مملکتده مطبوعات ایرکینلیگی و عمومی معلومات گه قول تاپیشگه کوپینچه ضرر ییتکیزگن.
اوشبو نظر سورهشده جواب قیترگن کیشیلردن ۵۲ فایزی افغانستان سابق حکومتی قوللگندن کیین محلی رسانهلردن کوپراق خلقارا رسانهلرنی تعقیب قیلهدیلر.
شونینگدیک جواب قیترگنلردن باشقه ۸۹ فایزی افغانستانده فعالیت قیلهیاتگن خلقارا رسانهلر اوستیگه ایشانچی میز بار دیگنلر.
ملی و خلقارا میدیالر اوستیگه یشاوچیلر نینگ ایشانچی یوقاری دیر ملی و محلی رسانهلردن یوزلرچهسی باغهنیب و فعالیتلری برابریده چیکلاو یرهتیلگن بیرحالده، اوشبو نظر سورهشده جواب قیترگن کیشیلردن ۶۷ فایزی مذکور رسانهلر اوستیگه ایشانچی میز بار دیگنلر.
بیزلرنینگ فیسبوک صحیفهمیزگه باش اورینگ!
خلقارا خبرچیلر فدراسیونی نینگ ایتیشیچه، اسلامی امارت تامانیدن ملی، محلی رسانهلر و ایرکین خبرچیلر و خلقارا رسانهلرده چیکلاو یرهتیش، اوشبو مملکتده مدنی ایرکینلیکنی سرکوب قیلیش اوچون صورت تاپهدی.
اوشبو نهاد نینگ کوپهیتیریشیچه، معلومات گه قول تاپمسلیک، سانسورقلیش، اقتصادی بحران ملی و محلی رسانهلر نینگ اوتمیشلرگه قرگنده فعالیتلرینی کمهیتیرگن و افغانستان یشاوچیلری معلوماتگه قول تاپیشلری اوچون خلقارا رسانهلرنی یگانه یول قرار بیرگن دیر.
خلقارا ژورنالیستلر فدراسیونی اسلامی امارتدن خلقارا رسانهلرنینگ نشراتی قیته باشلهنیش خصوصیده تیزلیکده اقدام قیلیشینی سورهب و خلقارا میدیالرنی افغانستان یشاوچیلری معلومات گه قول تاپیشلری اوچون یگانه کلید عنوان قیلگن دیر.
شونینگدیک ژورنالیستلر فدراسیون تامانیدن نیچه پیت آلدین صورت تاپگن نظر سورهش نتیجهسی اساسیده، اسلامی امارت افغانستانده حاکم بولمسدن آلدین ۶۲۳ رسانه فعالیت قیلر ایکن حاضر اوشبو رسانهلردن یالغیز ۳۰۵ تهسی نینگ فعالیتی بار.
آنتتونی بلنگر، خلقارا ژورنالیستلر فدارسیونی نینگ باش کاتبی گه کوره: «افغانستان یشاوچیلری سیستماتیک روشده معلومات گه قول تاپیشدن دنیا جماعهسی نظارتی آستیده محروم بولهدی و دنیا جماعهسی اسلامی امارت نی بشر اساسی حقوق گه حرمت قیلیش اوچون باسیم آستیده قرار بیره آلمهگن دیر.»
او اسلامی امارتدن آلگن قراریدن واز کیچیب، چیکلاو یرهتمسدن برچه خلقارا مدیالرگه نشرات قیلیش اوچون رخصت بیریشینی سورهگن.
اسلامی امارت جاری آیی نینگ باشلهنیشیده خلقارا رسانهلر نینگ نشراتینی محلی رسانهلر آقهلی توختهتدی. اسلامی امارت نینگ بو قراری یچکی و خلقارا عکسالعمللرگه سبب بولدی.
بیزلرنینگ توییترده هم تعقیب قیلینگ!
عینحالده، اسلامی امارت معلومات و مدنیت وزیرلیگی رسانهلر نشراتینی کوزهتیش مسئولی عبدالحق حماد اسلامی امارت نینگ بو قراری گه خلقارا رسانه تامانیدن افغانی و اسلامی کلتور رعیت ایتیلمسلیگینی دلیل عنوان قیلگن ایدی.
او نینگ ایتیشیچه، اسلامی امارت خلقارا رسانهلر نینگ دستورلری محتواسی خصوصیده قیینچیلیگی یوق، بیراق تلویزون برنامهلریده اسلامی و افغانی کلتور رعایت ایتیلیشی کیرهک.