آمریکا بیرلشمه ایالت‌لر تشقی ایشلر وزیرلیگی، افغانستانده خلق‌ارا میدیالر نینگ تلویزیونی دستورلری توخته‌تیلیشی خصوصیده اسلامی امارت قراری‌دن خواطر بیلدیریب، سرپرست حکومت‌دن افغانستان یشاوچیلری نینگ حقوقینی رعایت ایتیشینی سوره‌گن.
مذکور وزیرلیک بیر بیانه ترقه‌تیب ایتیشیچه، آمریکاقوشمه ایالت‌لری و خلق‌ارا همجمعیت، اسلامی امارت نینگ حرکت‌لرینی یقیندن کوزه‌تماقده‌لر. بیانیه‌ده تأکیدلنیشیچه، ینگی‌لیکده اسلامی امارت تامانیدن تلویزیونی دستورلر چیکلنتیریلیشی گه علاوه، قیزلر نینگ مکتب‌لری یاپیلیشی گه عاید حکومت نینگ قراری، افغانستان‌نی خطا یول تامان سوق بیره‌دی.
بیزلرنینگ فیسبوک صحیفه‌میزگه باش اورینگ!
آمریکا تشقی ایشلر وزیرلیگی گه کوره، اسلامی امارت نینگ اقدام‌لری اوشبو حکومت نینگ افغانستان یشاوچیلری و دنیا جماعه گه بیرگن سوزلری گه پابند بولمه‌یشلری نی کورسته‌‌دی.
شونینگدیک بیانیه‌ده کیلیشیچه، تعلیم و سوزایرکین‌لیگی، غرب نینگ امتیازلری و ارزش‌لری ایمس؛ بلکیم بشر حقوقی و تینچ بیر جماعه اوچون کیره‌کلی دیر و شونینگدیک اسلامی امارت اوزی هم اونینگ ایسته‌یشی نی ادعا قیله‌دی.
شونده‌ی بیرحالده، افغانستان اوچون آمریکا ایلچی‌خانه ایشلاوچیسی مک‌‌کری، شونینگدیک توییتر صحیفه‌سیده یازیشیچه، افغانستانده اسلامی امارت تامانیدن آمریکا سیسی، بی‌بی‌سی و دویچه وله برنامه‌لری نینگ تقیق‌لش کوپینچه خواطرلنتیرووچی دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اسلامی امارت موجود رسانه‌لر نینگ قانون‌لریدن حمایت قیلیش اوچون تعهد قیلگن و افغانستان رسانه‌لری گه اولر نینگ علاقه‌لری بولگن برنامه‌لر نی ترقه‌تیش اوچون اجازه بیریشی کیره‌ک. آمریکا ایلچی‌خانه ایشلاوچیسی اسلامی امارت‌دن سوز ایرکین‌لیگی گه حرمت قایل بولیش‌لری نی سوره‌گن.
اسلامی امارت ینگی‌لیکده خلق‌ارا رسانه‌لر تلویزیونی برنامه‌لری نینگ افغانستان رسانه‌لری آرقلی ترقه‌تیلیشی نی چیکلنتیریگن. معلومات و مدنیت وزیرلیگی‌ده رسانه‌لر نشراتی گه نظارت قیلیش مسئولی عبدالحق حماد، سلام‌وطندار گه بو اقدام دلیلی نی اوشبو رسانه‌لر تامانیدن مملکت نینگ اسلامی و افغانی مدنیت نینگ رعایت بولمه‌یشی دیگن. اونینگ کوپه‌یتیریشیچه، اسلامی امارت خلق‌ارا رسانه‌لر برنامه‌لری نینگ ترقه‌تیشی بیلن مشکلی یوق، بیراق تلویزیونی برنامه‌لرده افغانی و اسلامی مدنیت نینگ رعایت بولیشی کیره‌ک.
