جوزجان ده تعلیم دن محروم قالگن قیزلر محلی و تیزلشتیریش صنف‌لرده، جهل گه چیک قوییش اوچون شوق و علاقه بیلن یازیش و اوقیشنی اورگنماقده‌لر. اولر نینگ ایتیشلریچه، یازیش و اوقیش بیلن مملکت آبادانچیلیگی و تینچ حیات کیچیریش اوچون سعی‌وحرکت قیلماقده‌لر.
اوروش و قشاق‌لیک‌نی باش دن کیچیرگن مذکور قیزلر، محلی و تیزلشتیریش صنف‌لر ایجاد ایتیلیشیدن خورسندلیک قیلیب، جوزجان مرکزی و تومن‌لریده محلی و تیزلشتیریش صنف‌لر ایجاد ایتیلیشی اوستیده تأکید ایته‌دیلر.
بیزلرنینگ فیسبوک صحیفه‌میزگه باش اورینگ!
انگیزه اسملی اوقووچیلردن بیری گه کوره، اوروش یکونی بیلن کیله‌جک ده قشاق، کمبغل و ییتیم باله‌لر گه تعلیم زمینه‌لرینی یره‌تیش مقصدیده کتاب و قلم قولگه آلگن.
او نینگ کوپه‌یتیریشیچه: «جوی غفور قیشلاغیده درس اوقیمیز، صنف قوریلمسدن آلدین یول اوزاق‌لیگی باعث باشقه مکتب‌لر گه باره‌آلمس ایدیک. اکتید، یونیسف دفتری و معارف دن بیز گه کتاب و قلم بیرگن‌لری اوچون منتدارلیک بیلدیره‌من، حاضر درس اوقیماقده‌میز، هر کونی ریاضی، دری، اوزبیکچه و رسم شامل بیش مضمون اوقیمیز، دستلب یاز آلمس ایدیک و کلمه‌لر بیلن آشنا ایمس ایدیک، حاضر اوقیب و یازیب و کلمه‌لرنی تانیمیز.»
مذکور اوقووچیلردن باشقه بیری ادیبه، قیشلاق‌لرده محلی و تیزلشتیریش صنف‌لر ایجاد ایتیلیشینی خوش قرشی‌لب ایتیشیچه، اوروش باعث یوزلب باله تعلیم دن محروم قالگن.
اونگه کوره: «بیز اوچون بو صنف‌لرنی ایجاد ایتگنلر جوده هم خورسندمیز، اول هیچ نرسه بیلمس ایدیک، خدا گه شکر حاضر بیز اوچون مکتب قوریلدی، تینچ فضا ده درس اوقیماقده‌میز، مکتب بنالری بولمه‌گن منطقه‌لرده مکتب قوریش‌لرینی ایسته‌یمیز.»
بیزلرنینگ توییترده هم تعقیب قیلینگ!
جوزجان معارف باشلیغی محمدطاهر جواد گه کوره، تعلیم دن محروم قالگن باله‌لر و اوسمیرلرنی اورگه‌تیش اوچون ۳۰۰ محلی و تیزلشتیریش صنف قوریلگن و مذکور صنف‌لرده توقیز مینگ قیز و اوغیل باله تعلیم کورماقده‌لر.
او نینگ کوپه‌یتیریشیچه: «اوتمیش ده اوزاق منطقه‌لر نینگ اکثریتیده مکتب بنالری یوق ایدی، برچه جای‌لرده تعلیم و تربیه برابرلیگی اوچون تاغلی منطقه‌لرده اوشبو صنف‌لرنی ایجاد ایتدیک.»
اوتگن نیچه سنه ده‌گی اوروش‌لر، تعلیم و تربیه گه دایر افغانستان حکومت‌لری نینگ بی فرق‌لیگی، افغانستان نینگ اوزاق منطقه‌لرده مینگلب قیز و اوغیل باله تعلیم دن محروم قالیشی گه سبب بولگن.
