پاکستان طالبلر تحریکی، افغانستان ده اسلامی امارت رسمی‌لری واسطه‌چیلیگیده ینگی دور مذاکره‌لردن کیین، پاکستان دولتی بیلن نامحدود آتش کیسین اعلان قیلگن.
پاکستان طالبلر تحریکی نینگ سوزلاوچیسی محمد خراسانی، اوتگن کونی بیر بیانیه آرقه‌لی ایتیشیچه، آتش کیسین برقرار ایتیلیش قراری، کابل ده پاکستان نینگ قبیله‌لریدن ۵۰ کیشی‌لیک هیات بیلن مذاکره‌لر نتیجه بیرگندن سونگ آلینگن.
پاکستان دولتی حاضرگچه بو توغریده هیچ نرسه دیمه‌گن. پاکستان قبیله‌لری نینگ بویوکلر هیاتی، پاکستان طالبلر تحریکی بیلن مذاکره قیلیش اوچون اوتگن سه‌شنبه کابل کیلگن ایدی.
بیزلرنینگ فیسبوک صحیفه‌میزگه باش اورینگ!
پاکستان طالبلر تحریکی سوزلاوچیسی گه کوره، کیله‌سی کونلرده ایکی تامان ارا مذاکره‌لر اوتکزیلیشی ممکن.
افغانستان ده اسلامی امارت واسطه‌چیلیگیده ایکی تامان آره‌سیده‌گی مذاکره‌لر، اوتگن سه‌شنبه یکونلندی.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد، اوتگن کونی بیر قطار میدیالر بیلن اوتگزگن صحبتیده، قبیله‌لر بویوک‌لریدن بیر هیات پاکستان طالبلر تحریکی بیلن مذاکره قیلیش اوچون کابل کیلگنینی تصدیقله‌دی؛ لیکن بوتوغریده معلومات بیرمه‌گن.