سیناولر ملی اداره‌سی بوگون، قویاش ۱۴۰۰- ییل کانکور سیناوی نتیجه‌سینی بیر مراسم یولگه قوییش بیلن اعلام قیلدی. کانکور سیناوی نینگ بو دوری ده بیرینچی اورین نی ۳۵۲.۵۷۵ نمره بیلن موسا خان نینگ قیزی سلگی ایگه‌لگن.
قویاش ۱۴۰۰- ییل کانکور سیناوی ۱۷۹ مینگ و ۹۲۹ کیشی نینگ شرکتی بیلن ۳۲ ولایتده یولگه قوییلدی که بو جمله‌دن ۶۸ مینگ و ۹۳۰ کیشی عالی اوقوو موسسه‌لرگه یول تاپیش گه موفق بولگن.
بیزلرنینگ فیسبوک صحیفه‌میزگه باش اورینگ!
شو اساسده، احسام‌الدین کابل دن ۳۵۲.۵۳۳ نمره بیلن ایکینچی اورین ده و شونینگدیک ثناءالله کابل دن ۳۵۰.۸۰۰ نمره بیلن اوچینچی اورین ده قرار تاپگن. شو ترتیب ده سیناولر ملی اداره‌سی نینگ اعلامی اساسیده، صدام کابل دن ۳۴۹.۴۸۳ نمره بیلن، ارشاد ۳۴۷.۷۸ نمره بیلن و محمد منصور ۳۴۷.۵۶۲ نمره بیلن تورتینچی، بیشینچی و آلتینچی مقام نی ایگه‌لگن.
قویاش ۱۴۰۰- ییل کانکور سیناوی جاری ییل ثور آیی ده باشلندی و ۳۲ ولایتده اوچ دور یولگه قوییلیشی بیلن یکونلندی.
