مملکت عالی اوقوو وزیرلیگی بیر هفته آلدین کانکور ملی ادارهسی یاردمی آرقهلی کانکور سیناوی نینگ نتیجهسینی اعلان قیلدی. ملی بیرلیک حکومتی 1397- ییل کانکور سیناوی خصوصیده «کانکور سهمیهبندلیگی» نامیده بیر ریجهنی تصدیقگن ایدی.
اوشبو ریجه نینگ تصدیقلهنیب و عملگه آشیریلیشی مملکت یشاوچیلری نینگ جدی اعتراضلری بیلن روپهره بولدی. اعتراضچیلردن بیرقطاری اوشبو ریجهنی حقتلفلیک بیلیم و لغو قیلینیشینی سورهگنلر، بیراق مذکور ریجه نینگ اساسچیلری تامانیدن اعتراضچیلرگه بیللی بیر جواب بیریلمهگنی سبب، اهالی اوشبو ریجه نامینی حذف قیلیش و حقتلفلیک قویگنلر.
سلاموطندار ینگی بیر گزارشده کابل، بلخ، ننگرهار، قندهار و هرات ولایتلریده کانکور سیناو نینگ یاشیرینچ تامانلرینی تیکشیرگن. اوشبو تیکشیریشگه کوره، هرات ولایتیدن کانکور سیناویده اشتراک قیلگن بیرقطار اوقووچیلر 322، 303، 301، 300 و 290 نمره آرقهلی خصوصی بیلیم یورتلرده شرایط گه ماس تانیلگن، بیراق کوپراغینی کوچیلر تشکیل بیرگن باشقه بیرقطار اوقووچیلر 153 نمره آرقهلی بلخ انجنیرلیک فاکولتهسی، 274 نمره بیلن هرات بیلیم یورتی نینگ طب فاکولتهسی و 168 نمره آرقهلی کابل بیلیم یورتی نینگ انجنیرلیک فاکولتهسیگه یول تاپگنلر.
هرات ولایتیدن کانکور سیناویده اشتراک قیلگن اوقووچیلردن بیری سلیمان نینگ سلاموطندارگه ایتیشیچه، جاری ییل کانکور سیناویده 322.077 نمره آلگن، بیراق کانکورنینگ سهمیهبندلیگی سبب، حقیتلف بولگن. سلیمان 322 نمره آرقهلی خصوصی بیلیم یورتلرده شرایط گه ماس تانیلگن. اونینگ ایتیشیچه، بیرقطار دواطلبلر اوندن آز نمره آلگن، لیکن اونملی و کلیدی بیلیم یورتلرگه یول تاپگن. سلیمان 322 نمره بیلن طب فاکولتهسیگه کامیاب بولمهگن، بیراق باشقه قطار اوقووچیلر 300 نمره بیلن مذکور فاکولتهگه یول تاپگنلر.
سلاموطندار نینگ تیکشیریشیگه کوره، کانکور نینگ سهمیهبندلیگی سبب، کابل بیلیم یورتی نینگ طب و باشقه بیرقطار فاکولتهلری نینگ قطار کرسیلری کوچیلرگه اجرهتیلگن. اوشبو ریجهده قطار اوقووچیلر آز نمره بیلن طب فاکولتهسیگه یول تاپگن. کوچیلردن بیرقطاری 168، 185 و 198 نمره آرقهلی پولیتخنیک بیلیم یورتی نینگ انجنیرلیک فاکولتهسی و کابل بیلیم یورتی نینگ حقوق فاکولتهسیگه یول تاپگنلر.
هرات و کابل چکهسیده، بلخ ولایتیده هم کانکور نینگ سهمیهبندلیک ریجهسی سبب، بیرقطار اوقووچیلر یوقاری نمره بیلن خصوصی بیلیم یورتلرده شرایط گه ماس تانیلگن و باشقه بیرقطار اوقووچیلر آز نمره آرقهلی اونملی فاکولتهلرگه یول تاپگن. اوشبو ولایتده بیرقطار اوقووچیلر 290، 285 و 283 نمره بیلن خصوصی بیلیم یورتلرده شرایط ماس تانیلگن، بیراق کوچیلر 153، 161 و 208 نمره آرقهلی انجنیرلیک، اقتصاد و حقوق فاکولتهلریگه یول تاپگنلر.
ننگرهار بیلیم یورتی نینگ کلیدی فاکولتهلریده هم بیرقطار اوقووچیلر آز نمره بیلن کامیاب بولیب و باشقه بیرقطار دواطلبلر یوقاری نمره بیلن خصوصیده بیلیم یورتلرده شرایط گه ماس تانیلگن. مثال صفتده قطار اوقووچیلر 157، 189 و 204 نمره آرقهلی انجنیرلیک، اقتصاد و حقوق فاکولتهلریگه یول تاپگن و باشقه بیرقطار اوقووچیلر 298 و 280 نمره بیلن خصوصی بیلیم یورتلرده شرایط گه ماس تانیلگن.
قندهار ولایتیده هم کانکور نینگ سهمیهبندلیگی سبب، طب، انجنیرلیک، حقوق و اقتصاد فاکولتهلری نینگ قطار کرسیلری کوچیلرگه اجرهتیلگن. سلاموطندار نینگ قولیگه توشگن حجتلرگه کوره، بیرقطار اوقووچیلر آز نمره بیلن اونملی فاکولتهلرگه یول تاپگن و باشقه بیرقطار اوقووچیلری یوقاری نمره بیلن خصوصی بیلیم یورتلرده واجد شرایط تانیلگن.
تیکشیریشلرگه کوره، کوچیلردن بیرقطاری 158، 194 و 208 و 269 نمره بیلن انجنیرلیک، حقوق، اقتصاد و طب فاکولتهلریگه یول تاپگن، بیراق باشقه بیرقطار اوقووچیلر 279، 270 و 266 نمره بیلن خصوصی بیلیم یورتلرگه تانیتیلگن.
تعلیمی ایش بیلرمانلردن بیری سلیم کاکرنینگ سلاموطندارگه ایتیشیچه، افغانستانده کانکور پروسهسی هر ییل جدی قیینچیلیکلر بیلن روپهره بولهدی و اوشبو قیینچیلیکلر روحی نقطهنظردن اوقووچیلرگه زیان ییتیشتیرهدی.
اونینگ ایتیشیچه، کانکور سیناوی نینگ سهمیهبندلیگی، استعدادلی یاشلرنی سرکوب قیلهدی. بوتوغریده کانکور ملی ادارهسی مسووللری نینگ فکرینی آلیش اوچون سعی و حرکت قیلدیک، بیراق موفق بولمهدیک.
