تخار ولایتی رستاق تومنی محلی مسئوللری، اوشبو تومن ده «قراوسیز» ۲۰۰ ایت ییغیلیب و اولدیریلگنیدن خبر بیره‌دیلر.
اولر نینگ ایتیشلریچه، سونگی ییل‌لرده کوچه‌وبازار ده قراوسیز ایت‌لر کوپه‌یب و یشاوچیلرنی بیزاوته قیلگن ایدی، شونی اوچون مذکور ایت‌لر اطراف_محیط اداره‌سی تامانیدن ییغیلیب و یوق ایتیلگن.
بیزلرنینگ فیسبوک صحیفه‌میزگه باش اورینگ!
عین‌حالده، تخار ولایتی ساغلیق‌نی سقلش ریاستی نینگ اطراف_محیط ایشلری بوییچه عمومی مدیری سلطان‌محمود احمدی گه کوره، یشاوچیلر نینگ معلوماتی اساسیده، رستاق تومنی نینگ شهر ناحیه‌لری شامل ۱۰ قیشلاغی ده عقل دن آزگن ایت‌لر کوپه‌یشیدن شکایت بولگن ایدی بیراق عمومی کمپاین آرقه‌لی ساغلیق‌نی سقلش ریاستی نینگ اطراف_محیط اداره‌سی تامانیدن یوللنگن تیم آرقه‌لی ییغیلیب و یوق ایتیلگنلر.
جناب احمدی گه کوره، اوشبو ایت‌لر حاضرگچه آلتی کیشینی قاپگن لیکن اولر موظف تیم تامانیدن واکسین بولگن و شونینگدیک، ایت‌لر قاپگن بیرقطار چاروه‌لر تلف بولگن.
بیزلرنینگ توییترده هم تعقیب قیلینگ!
سلطان‌محمود احمدی، تخار ولایتی بویلب اوشبو کمپاین دوام تاپیشی و قراوسیز ایت‌لر ییغیلیشیدن خبر بیریب ایتیشیچه، خطرلی واقعه‌لرنی آلدینی آلیش اوچون عقل دن آزگن ایت‌لرنی یوق ایته‌دیلر.
