تخار ولایتی خواجه بهاءالدین تومنیده ایشانچلی بیر منبع نینگ سلام‌وطندار گه ایتیشیچه، کوچی‌لر و پاکستان نینگ وزیرستان منطقه‌سیدن اوشبو تومن گه کیلگن مهاجرلر، بیر هفته دن بویان مذکور ولایت نینگ خواجه بهاءالدین تومنی «کتکجر، گلبهار، مهاجر قیشلاق و شورتوغی» قیشلاق‌لری نینگ یشاوچیلرینی زوردن کوچیرماقده‌لر.
منبع گه کوره، اوتگن کون عصر چاغی (سه‌شنبه ۲۲ سنبله) اوشبو تومن نینگ ایکی قیشلاغیده، کوچی‌لر و محل یشاوچیلری آره‌سیده توقنشوو یوز بیرگن که «شورتوغی» قیشلاغیده تورت کیشی یره‌لنگن.
بیزلرنینگ فیسبوک صحیفه‌میزگه باش اورینگ!
شونینگدیک منبع نینگ کوپه‌یتیریشیچه، بوگون ایرته‌لب «کتکجر» قیشلاغیده محل یشاوچیلری و قوراللی کوچی‌لر آره‌سیده‌گی توقنشووده، محل یشاوچیلریدن اوچ کیشی اوققه توتیلیب اولدیریلگن و باشقه ایکی کیشی یره‌لنگن.
منبع نینگ معلوماتی اساسیده، سونگی اوچ کونده کوچی‌لر و اسلامی امارت کوچلری، گلبهار و کتکجر قیشلاق‌لریدن یوز عایله‌نی زوردن کوچیریشگن.
منبع نینگ کوپه‌یتیریشیچه، کوچی‌لر اوشبو تومنده دهقان‌لر گه ایکینچیلیک محصولات‌لرینی ییغیشگه رخصت بیرمه‌ی و ییرلر(زمین) اولردن بولگنینی ادعا قیلماقده‌لر.
بیزلرنینگ توییترده هم تعقیب قیلینگ!
منبع گه کوره، کوچی‌لر و پاکستان دن کیلگن مهاجرلر، محل یشاوچیلری نینگ ایکینچیلیک محصولات‌لرینی زوردن آلگن.
بوتوغریده تخار مسئوللری نینگ فکر_ملاحظه‌سینی اورگه‌نیش اوچون سعی و حرکت قیلدیک، لیکن مؤفق بولمه‌یدیک.
عین‌حالده، تخار مسئوللری بوندن آلدین خواجه بهاءالدین ده‌گی جنجل‌لر تیکشیریلیشینی ایتگن ایدیلر.
