افغانستان ده اویمهکارلیک «حکاکی» ایسکی صناعتلردن سنلهدی، بیراق سونگی ییللرده اوشبو صناعت گه قیزیققنلر سانی کمهیگن ایدی؛ لیکن حاضر مذکور صناعت، تخار ده قیتهدن رواجلنماقده دیر.
قریب ۱۰ ییلدن بیری دستلبکی امکانیتلری بیلن یاغاچلی تختهلرده اویمهکارلیک قیلیب هر خیل زینتی نرسهلرنی ایشلب چیقریب و بازار گه ساتهدیگن مصطفا نینگ سلاموطندار گه ایتیشیچه، اوتمیش گه نسبتن سونگی کونلرده ایشی یخشی بولگن.
مصطفا نینگ کوپهیتیریشیچه: «بیز دستلب نیچه اورنک ایشیمیزدن توزتدیک، کیین ایسه ایشیمیز گه قیزیقیش کوپهیدی. شو اوچون حاضر مشتریلریمیز ایستهگنلری نرسه نینگ توزهتیلیشی اوچون بیر آی، بیر یریم آی و ایکی آی کوتیب تورهدیلر.»
بیزلرنینگ فیسبوک صحیفهمیزگه باش اورینگ!
باشقهلر، اویمهکارلیکنی قولی دیب اویلشلری ممکن لیکن کوپ دقت بیلن ایشلنهدی، مصطفا مشتریلری نینگ بویورتمهلرینی ایستکلری کبی تیارلش مقصدیده سعیوحرکت قیلهدی، او بیر بویورتمه نی تیارلش اوچون هفتهلر زحمت چیکهدی.
اونینگ کوپهیتیریشیچه: «هر قنچه فرمایش بیریلگن دیزان قیین بولسه، اوشنچه جنجالی هم کوپ بولهدی و وقت آلهدی. بیر تخت و خواب نینگ توزهتیلیشی حتا بیر الی ایکی آی زمان آلهدی.»
بیزلرنینگ توییترده هم تعقیب قیلینگ!
عینحالده، اویمهکارلیک مشتریلریدن بیرقطاری، تخار ده اویمهکارلیک صناعتچیلر نینگ ایشلرینی آلقیشلب، حکومت و ملی سوداگرلردن قدیمی اوشبو صناعت رواجلنیشی و مملکت ده صناعتچیلر نینگ ترغیب قیلیش مقصدیده، اولرنی قوللب-قوتلشلرینی طلب قیلهدیلر.
تخار یشاوچیلریدن فاروق نینگ ایتیشیچه: «بو ییرده فعالیتلری نی باشلگنلریدن بیری، جودهیم خورسندمیز که مدنیتیمیز قیتهدن تیریلدی، چوب، ایشیک، تخت خواب و الماری یوزی گه گلکارلیک قیلهدیلر.»
شونینگدیک تخار یشاوچیلریدن باشقه بیری محمدآصف نینگ ایتیشیچه: «اتاقلریمیز نینگ توزهتگنیمدن بیر ییل بولگن ایدی، بو ییرده ایشیکلر نی یخشی دیزاین بیلن توزهتیشلری نی کوردیم و خوشم کیلدی و اویم نینگ ایشیکلری نی کیلتیردیم که توزهتسینلر.»
ایتیلیشیچه، افغانستان ده اویمهکارلیک صناعتی کوشانیلر دوری گه تیگیشلی دیر، او زمانده اویمهکارلیک صناعتیدن بنالر و سرایلرنی بیزهلتیریش اوچون قوللـهنیلیب و اسلام دینی کینگهیشی بیلن، اوشبو توپراقده اویمهکارلیک صناعتی مثلسیز درجهده رواجلنگن.