مملکت بویلب افغانستان اسلامی امارت سرپرست حکومتی حاکمیتیدن بیر ییل و نیچه کون اوتماقده، لیکن حاضرگه قدر هیچ بیر مملکت تامانیدن رسمیت گه تانیلمه‌گن.
گرچند اسلامی امارت سرپرست حکومتی، دنیا مملکت‌لری تامانیدن رسمیت گه تانیلمسه ده اوز ایشیگه دوام بیرماقده، لیکن شو بیلن هم قطار مملکت‌لر اسلامی امارت سرپرست حکومتی بیلن تعامل قیلگنلر.
بیر قطار ایش بیلرمانلر نینگ ایشانچی گه کوره، افغانستان ده‌گی مجبوریت‌لر، دنیا جماعه‌چیلگی افغانستان حکومتی بیلن بیر تور تعامل قیلیشی گه سبب بولگن.
سیاسی ایش بیلرمان ویس ناصری نینگ ایتیشیچه: «بیر ییل ده هیچ بیر مملکت اسلامی امارت حکومتینی رسمیت گه تانیمه‌دی، بو بیرلشگن ملت‌لر تشکیلاتی نینگ تاریخی ده مثل‌سیز دیر. اقتصادی، خوفسیزلیک، سیاسی و اجتماعی مجبوریت‌لر، بیرقطار مملکت‌لرنی اسلامی امارت بیلن تعامل قیلیشی گه سبب بولگن.»
بیزلرنینگ فیسبوک صحیفه‌میزگه باش اورینگ!
شونینگدیک سیاسی ایش بیلرمان‌لردن باشقه بیری طارق فرهادی گه کوره، بشر حقوقی و تروریزم گه قرشی کوره‌ش، باشقه موضوع‌لردن دیر که دنیا جماعه‌چیلیگی اسلامی امارت سرپرست حکومتی تامانیدن نظرگه آلینیشینی کوتماقده.
اونینگ ایتیشیچه، بوتوغریده افغانستان نینگ حاضرگی حکومتی دنیا همجمعیت نینگ خواهش_اراده‌سی گه قرشی عمل قیلگن.
اونگه کوره: «دنیا بویلب دین ایرکین‌لیگی بیر اصل دیر بو قیینچیلیک ایمس، اصلی قیینچیلیک بوکه بشر حقوقی جمله دن قیزلر نینگ تعلیمی دیر، افغانستان دن تروریزم باشلنه‌دیمی یوق، بوتوغریده الظواهری کابل ده اولدیریلدی.»
بونگه علاوه، اوتگن بیر ییل ده اسلامی امارت سرپرست حکومتی نینگ ایشلری اینیقسه بشر حقوقی و خاتین قیزلر حقوقی رعایت بولمسلیگی باره‌سیده، دنیا افغانستان نینگ حاضرگی حکومتیدن ناامید بولیشی گه سبب بولگن و بو دنیا بیلن تعامل قیلیش اوچون کتته قیینچیلیک دیر.
سیاسی ایش بیلرمان همایون خیری نینگ ایشانچی گه کوره: «قطر و باشقه مملکت‌لر اسلامی امارت حاکم بولیشی بیلن افغانستان ده ثبات برقرار ایتیلیشی گه امیدوار ایدیلر، تأسف بیلن بیریلگن وعده‌لر اوشبو حکومت تامانیدن نظرگه آلینمه‌دی و دنیانی ناامید و زیریکتیرگن.»
قطر اوزاق زماندن بویان اسلامی امارت سرپرست حکومتی بیلن مناسبتی بولگن مملکت‌لردن دیر و سونگی نیچه ییل دن بویان اوشبو مملکت اسلامی امارت نینگ سیاسی دفتری میزبانی دیر.
بیزلرنینگ توییترده هم تعقیب قیلینگ!
برچه‌سی بیلن، ینگی لیکده قطار ییتکیرمه‌لر امریکا کونده‌لیگی «وال‌استریت ژورنال» دن نقل قیلیب ایتیشلریچه، قطر رسمی‌لری افغانستان خلقی نینگ تیریکچیلیک احوالی یخشی‌لنیشی مقصدیده حاضرگی حکومت بیلن تعامل ده بولگنینی ایتگنلر.
قطر رسمی‌لری گه کوره، بو مملکت افغانستان نینگ حاضرگی حکومتی بیلن تعاملی اهالی منفعتی گه بولمه‌گنلیگینی سیزگن حالده، واسطه‌چیلیک رولیدن واز کیچه‌دی.
بیراق اسلامی امارت سرپرست حکومتی نینگ ایتیشیچه، قطر نینگ اوشبو سیاستینی حاضرگچه تیکشیرمه‌گنلر.
سلام‌وطندار بیلن صحبت اوتکزگن اسلامی امارت سرپرست حکومت سوزلاوچیسی نینگ اورین باسرلریدن بلال کریمی گه کوره، اولر قطر رسمی‌لری نینگ بیانات‌لرینی تیکشیرماقده‌لر.
عین‌حالده، اوتگن کون (جمعه، ۲۸ اسد) اسلامی امارت رهبری هبت‌الله آخوندزاده، دنیا بیلن شرعیت قانون_قاعده‌لری اساسیده تعامل قیلیش‌لرینی بیلدیرگن.
