طالبان سیاسی دفتری سوزلاوچیسی محمد نعیم نینگ سلام‌وطندار گه ایتیشیچه، تینچلیک مذاکره‌سی ایکینچی دوری نینگ اجنداسی اوستیگه بحث قیلیش جریانی توخته‌تیلمه‌گن.
جناب نعیم گه کوره، ایریم موضوعلر توغریسیده کوپینچه بحث اوتکزیش اوچون تیم‌لر آره‌سیده ییغین اوتکزیلماقده و اوشبو ییغین هرکون اوتکزیله‌دی.
بوندن آلدین قطار رسانه‌لر تامانیدن افغانستان اسلامی جمهوریت دولتی بیلن طالبان گروهی آرهسیدهگی ییغین توخته‌تیلگنی حقیده گزارشلر ترقه‌تیلگن بیر حالده، طالبان گروهی تینچلیک مذاکره‌سی توخته تیلگنی نی رد قیلگن.
طالبان گروهی نینگ سابق اعضاسی محمد حسن حقیار گه کوره، افغانستان اسلامی جمهوریت دولتی هیأتی بیلن طالبان گروهی هیأتی آره‌سیده یالغیز ایکی مرته ییغین اوتکزیلگنیدن کیین، ییغین توخته‌تیلگن و آمریکا نینگ ینگی جمهور رئیسی جوبایدن ایشی گه باشلگونگه قدر توخته‌تیلیشی ممکن.
جناب حقیار نینگ ایتیشیچه، بو خصوصده حکومت مسؤل دیر و حکومت، بایدن کیلیشی بیلن آمریکا قوشمه ایالاتی نینگ تینچلیک مذاکره خصوصیده‌گی فکری اوزگریشی نی کوتیب تورگن.
لیکن سیاسی ایش بیلرمان یونس فکور گه کوره، آمریکا ینگی جمهور رئیسی نینگ تحلیف مراسمی بولیب اوتیشی، طالبان گروهی نینگ سیاسی دفتر باشلیغی شامل بیر قطاری قطر اولکه گه بارمه‌گنی و جمهور رئیس قدرت نی یالغیز سیلنگن جمهور باشلیغ گه بیره‌من دیگن سوزلری، تینچ لیک مذاکره‌سی نینگ آرتده قالیشی گه سبب بولگن.
کابل‌ده‌گی بیر دیپلمات هم رویترز کونده‌لیگی بیلن صحبت قیلیب، جوبایدن تحلیفی گه قدر تینچلیک مذاکره‌سی آلغه بارمسلیگی ممکن لیگیدن خبر بیرگن.
آمریکا جمهور رئیسی جوبایدین نینگ تحلیف مراسمی کیله‌جک هفته نینگ چهار شنبه کونی بولیب اوتیشی گه قرار قیلینگن.