طالبان گروهی، ایچکی ایش‌لر وزیرلیگی سرپرستی سراج‌الدین حقانی و عایله اعضاسی نینگ نام‌لرینی آمریکا قاره فهرستی‌ده بولگنی‌گه قرشی واکنش کورستگن و آمریکا نینگ بو حرکتی دوحه شرطنامه‌سیگه قرشی دیگن.
بیزلرنینگ فیسبوک صحیفه‌میزگه باش اورینگ!
طالبان سوزلاوچیسی ذبیح‌الله مجاهد نینگ بیر خبرنامه نشر قیلیب ایتیشیچه، طالبان وقتنچه‌لیک کابینه‌سی اعضالریدن بیرقطاری جمله‌دن حقانی شبکه‌سی نینگ سابق رهبری جلال‌الدین حقانی عایله‌سی نینگ نامی آمریکا قاره فهرستی‌گه بولگنی‌گه قرشی واکنش کورستگن.
ایتیلیشیچه، آمریکا فدرال تیکشیرووچی اداره‌سی، سراج‌الدین حقانی نینگ قولگه آلینیش جازه‌سینی ۵ میلیون دالردن ۱۰ میلیون دالرگه کوپه‌یتیرگن. طالبان نینگ ایتیشیچه، آمریکا نینگ بو قراری دوحه شرطنامه‌سیگه قرشی دیر و بو حرکت هیچ تامان منفعتی‌گه ایمس دیر.
اعلامیه گه کوره، حقانی عایله‌سی طالبان عضوی دیر و باشقه فرقلی بیر تشکیلاتی یوق. اعلامیه‌ده ایتیلیشیچه، آمریکا و طالبان آره‌سیده امضا ایتیلگن شرطنامه گه کوره، اوشبو عایله نینگ اسم‌لری آمریکا و بیرلشگن ملتلر تشکیلاتی نینگ قاره فهرستی‌دن چیقاریلیشی کیره‌ک ایدی، لیکن بو ایش حاضرگه‌قدر صورت تاپمه‌گن.
طالبان نینگ ایتیشیچه، آمریکا و باشقه مملکت‌لرنینگ افغانستانده‌گی دخالتی محکوم دیر. اعلامیه ده ایتیلیشیچه، بونده‌ی موقف آلیش‌لرنی تیزلیککه دیپلماتیک رابطه‌گه اوزگریشی کیره‌ک.
بیزلرنینگ فیسبوک صحیفه‌میزگه باش اورینگ!
سراج‌الدین حقانی آمریکا فدرال اداره‌سی نینگ قاره رویخطی گه قرار تاپگن. او، ۵ ییلدن بویان طالبان اورین باسری صفتیده فعالیت قیله‌دی. ایتیلیشیچه، سراج‌الدین حقانی چیککه‌سیده حقانی عایله‌سی نینگ باشقه بیرقطار اعضاسی جمله‌دن خلیل‌الرحمان حقانی آمریکا تامانیدن تحریم ایتیلگن‌لر جمله‌سیدن دیر.
