آمریکا مدافعه وزیرلیگی ینگی بیر گزارش آرقه‌لی اوشبو مملکت کانگرسی گه ایتگن که، القاعده ترماغی اسلامی امارت نینگ بویروغی بیلن اسلامی امارت نینگ مشروعیت نی کسب قیلیشی گه قدر حضور و فعالیت‌لری نی محدود قیلگنلر؛ بیراق اسلامی امارت بو گزارش نی رد قیلگن.
اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه، دنیا‌ده اسلامی امارت نینگ سیاستی بیللی دیر. او، اینه بیر مرته افغانستان توپراغیدن باشقه مملکت‌لر گه قرشی قوللنمه‌‌سلیگی خصوصیده ایشانچ بیرگن.
بیزلرنینگ توییترده هم تعقیب قیلینگ!
شونده‌ی بیرحالده، ایش بیلرمان‌لردن قطاری مدافعه وزیرلیگی نینگ گزارشی نی امکانیتی یوق دیب و اولر نینگ ایشانچ‌لری گه کوره، کیله‌جکلرده القاعده ترماغی اینه بیر مرته فعالیتی نی قیته باشله‌یشی ممکن. استخباراتی مسئله‌لر بیلرمانی محمود حیدری نینگ ایتیشیچه، القاعده ترماغی هر قنده‌ی تهدید و فعالیت اوچون پاکستان حمایتی‌دن فایده‌لنیشی ممکن.
سیاسی ایش‌بیلرمان‌لردن باشقه بیری گل‌محمد گل‌زی نینگ سلام‌وطندار گه ایتیشیچه، افغانستان نینگ بیر قطار چیگره منطقه‌لریده القاعده نینگ حضوری بار. اونینگ ایشانچی گه کوره، اوشبو ترماق کیله‌جکلرده فعالیتی نی قیته باشله‌یشی ممکن.
بیزلرنینگ فیسبوک صحیفه‌میزگه باش اورینگ!
گل‌محمد گل‌زی نینگ کوپه‌یتیریشیچه، اسلامی امارت اوتمیش تجربه‌لری گه توجه قیلیب و القاعده‌دن حمایت قیلمه‌یشی کیره‌ک و حمایت قیلگن صورت‌ده، افغانستان قیته تشقی مملکت‌لر نینگ رقابت میدانی گه اوزگریشی ممکن.
ایتیش کیره‌ک که، اسلامی امارت دوحه بیتیمی اساسیده، افغانستان ده هیچ بیر توروچیلیک گروه گه فعالیت اوچون رخصت بیرمه‌یشی کیره‌ک، بیراق آمریکا حربی رسمی‌لری نینگ ایتیش‌لریچه، گرچند اسلامی امارت القاعده رهبرلری نینگ سفری نی محدود قیلگن، ینه هم القاعده رهبرلری بیلن اسلامی امارت یقین رابطه‌سی بار.
