جمهورلیک ریاست سابق اورین باسری نینگ ایتیشیچه، طالبان مملکتده زوروانلیکلرنی کوپه‌یتریش اوچون زمانوی حربی جهازلر و اوچووچی‌سیز اوچاقلرگه قول تاپگن.
بوگون (چهارشنبه ۲۹- دلو) جمهورلیک ریاست سابق اورین‌باسری مارشال عبدالرشید دوستم، جوزجان مرکزی شبرغان شهریده امیر علی‌شیر نوایی و ظهیرالدین محمد بابر تولدی دن نشانلش اوچون یولگه قوییلگن مراسم‌ده ایتیشیچه، طالبان زوروانلیکلرنی کوپه‌یتیریش و ریجه‌لنگن ترورلر بیلن اسلامی امارت نی حاکم قیله آلمه‌یدی و قولگه کیلگن فرصت‌لردن یخشی فایده‌لنیش‌لری کیره‌ک.
مارشال دوستم گه کوره، طالبان القاعده بیلن علاقه‌لرینی کیسمه‌ی و زوروانلیکلرنی کوپه‌یتیرگن. اونینگ کوپه‌یتیریشیچه، حاضر اسامه بن‌لادن نیبره‌سی نصرالدین، سراج‌الدین حقانی نینگ اوغلی سیف‌الدین حقانی، طاهر یولداش نینگ اورین‌باسری جمعه‌بای فاریاب نینگ بالامرغاب و غورماچ تومنیده و طاهر یولداش نینگ قیزی بی‌بی مکرمه بدخشان ده فعالیت قیله‌دی.
جناب دوستم نینگ ایتیشیچه، طالبان اوچاق‌لرنی سقوط بیره‌دیگن زمانوی قورال‌لرنی اَختریب یورگن. اونگه کوره، طالبان سونگی پیت‌لرده سرپل ولایتیده اوچووچی‌سیز اوچاقلرگه قول تاپیب و دولتی تأسیسات‌لرنی هدف آستیده آله‌دی. جمهورلیک ریاست سابق اورین باسری نینگ کوپه‌یتیریشیچه، اهالی نینگ ایسته‌ک و اراده‌سی اساسیده‌گی جمهوریت تیزیمی‌دن حمایت قیله‌دی و جمهوریت تیزیمی گه قرشی هر قندی تهدید برابریده توره‌دی.
جناب دوستم اسلامی حزب رهبری گلبدین حکمتیار نینگ سونگی بیاناتی گه قرشی عکس‌العمل کورسه‌تیب ایتیشیچه، او تیریک بولگن زمان گچه ارگ نی قمروگه آلیش اوچون هیچ کیم گه رخصت بیریلمه‌یدی.
جمهورلیک ریاست سابق اورین باسری نینگ اورغولشیچه، هر قنده‌ی بیر قیینچلیک چیققن صورتده، حاضرگی تیزیم و جمهوریت دن مدافعه قیلیش اوچون ۴ مینگ جنگریسی بیلن کابل کیله‌دی و حکمتیار گه کابل اهالیسی نینگ تینچلیگی نی برهم اوریش اوچون رخصت بیرمه‌یدی.
جناب دوستم بیاناتی نینگ بیر بولیمیده، مملکت امنیتی و مدافعه کوچلری گه طالبان گه رحم قیلمه‌ی و اولرنینگ هر هجومی گه جواب قیته‌ریشلری اوچون بویروغ بیرگن.
