ژورنالیست‌لرنی سقله‌یدیگن کمیته: سلام‌وطندار خبرچی‌سیگه قرشی اویوشتیریلگن هجوم تیکشیریلسین
ژورنالیست‌لردن حمایت قیلووچی کمیته، سلام‌وطندار خبرچیسی محمدعلی احمدی اوستیگه اویوشتیریلگن هجوم‌نی معلومات ییتیشتیریش‌گه قرشی تهدید عنوان قیلگن.
ژورنالیست‌لردن حمایت قیلووچی کمیته، سلام‌وطندار خبرچیسی محمدعلی احمدی اوستیگه اویوشتیریلگن هجوم‌نی معلومات ییتیشتیریش‌گه قرشی تهدید عنوان قیلگن.
سلام‌وطندار خبرچیسی و ویراستاری محمدعلی احمدی جاری هفته شنبه کونی شام چاغی وظیفه دن اویی تامان کیته‌دیگن بیرچاغده، هجوم گه دوچ کیلیب و اَیاغی جدی جراحت کوتارگن. جناب احمدی ایکی کیچه و کوندوز نی یمان بیر وضعیتده کسلخانه ده اوتکزگن و حاضر ایسه خاص مراقبت بولیمیده بستری بولگن.
طالبان اوتگن کوندن بویان ۵ ولایت مرکزی نی نظارت گه آلگن. منبعلرنینگ سلام‌وطندارگه ایتیش‌لریچه، طالبان اوتگن کوندن بویان هرات، قلعه‌نو، فیروزکوه، لشکرگاه و قندهار شهر‌لری نینگ نظارتگه آلگن.
دولتی رسمیلر بو شهرلرنینگ نظارتگه آلینگنی توغریسیده حاضرگچه هیچ بیر نرسه دیمه‌گن.
اوتگن کیچه دن بویان بلخ مرکزی مزارشریف نینگ ۱۸ کیلومترلیگیده قرار تاپگن دهدای تومنی نینگ توخته و پل امام بکری منطقه‌لریده امنیتی کوچلر و طالبان گروهی آره‌سیده آتیشمه‌لرنی دوامی بار. بلخ پولیس قومندانلیگی سوزلاوچیسی عادل‌شاه عادل طالبان هجومی نی تصدیق‌لب ایتیشیچه، دولتی کوچلر طالبان نینگ بیرینچی چیزیغی نی ….
آق سرای سوزلاوچیسی جن ساکی نینگ ایتیشیچه، آمریکا جمهور رئیسی جو بایدن طالبان نینگ تجاوز و زوروانلیگی‌گه قرشی یوزمه‌یوز بولیش زمانی کیلگنی‌نی بیلدیریب و افغانستان امنیتی و دفاعی کوچلری طالبان‌گه قرشی مقاومت قیلیش اوچون اساسی شکلده تعلیم کوریب و ییترلیچه امکانیت‌‌لری بار دیگن.
طالبان جوزجان قماقخانه‌سینی نظارتگه آلیب و برچه محبوس‌لرنی قوییب یوبارگن. جوزجان ولایتیدن ایشانچلی امنیتی بیر منبع نینگ ایتیشیچه، طالبان بوگون ایرته‌لب گروهی هجوم اویوشتیریش بیلن جوزجان قماقخانه‌سی نینگ نظارت گه آلگن و تورلی جرم‌لر باعث حبس بولگن بیر مینگ محبوس نی قوییب یوبارگن.
نیمروز مرکزی زرنج شهری طالبان نظارتی گه اوتدی. منبع‌لردن قطاری نیمروز مرکزی زرنج شهری نینگ طالبان قولیگه سقوط قیلگنیدن خبر بیریشگن.
شونینگدیک نیمروز پولیس قومندانلیگی نینگ مطبوعات آمری غلام صدیق نورزی، زرنج شهری طالبان قولیگه سقوط قیلگنی نینگ تصدیق‌لگن. اونگه کوره، یاردمچی کوچلر ییتیشمه‌گنی باعث زرنج شهری طالبان قولیگه سقوط قیلگن.
میدان وردک ولایتی کینگش اعضالریدن بیری نینگ ایتیشیچه، بوگون ایرته‌لب طالبان گروهی ۱۳ یولاوچی نی دایکندی دن کابل گه انتقال بیره‌دیگن فلانکوچ تیپلی بیر موتر نی، مذکور ولایت مرکزیده‌گی «نرخ» چک پاینت منطقه‌سیده راکتی هجوم آستیده آلگن.
اونگه کوره، بو هجوم نتیجه‌سیده بیر باله شامل ۵ یولاوچی هلاک و باشقه ۸ کیشی ایسه یره‌لنگن. قربانیلر آره‌سیده عیاللر و باله‌لرهم شامل دیر.
اوتگن تورت کیچه‌ده طالبان سلما توغانی اوستیگه کمیده ۵۰ هاوان اوقی آتگن. هرات ده امنیتی ایشانچلی بیر منبع نینگ سلام‌وطندارگه ایتیشیچه، مذکور هاوان‌لردن قطاری سلما توغانی نینگ تأسیساتی گه اصابت قیلیب و بو بند گه ضرر هم ییتیشتیرگن.
افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر توییت آرقه‌لی طالبان گروهی‌دن اوشبو نهاد نینگ هراتده‌گی دفتری اوستیگه اویوشتیریلگن هجوم خصوصیده جواب قیتریشی‌نی سوره‌گن. بو نهاد، طالبان گروهی دن مذکورهجوم‌نی جدی شکلده تیکشیریشی‌نی ایسته‌گن.
هرات محلی مسوول‌لری، طالبان جنگریلری نینگ یوناما دفتری، مالان و پشتون کوپریک‌لری اوستیگه هجوم قیلگنلریدن خبر بیرگن. هرات ولایتی بوییچه ساغلیق‌نی سقلش ریاستی مسوول‌لرنینگ ایتیش‌لریچه، طالبان تامانیدن اویوشتیریلگن هجوم‌لر نتیجه‌سیده ۵ حربی هلاک و ۳ تینچ اهالی شامل ۲۱ کیشی یره‌لنگن.
سلما توغانی نینگ امنیتی کندک قومندانی الله‌محمد همدرد نینگ سلام‌وطندارگه ایتیشیچه، اوتگن کون (سه‌شنبه ۲۲- سرطان) ساعت ۵ اطرافیده طالبان جنگریلری مذکور سووتوغانی اوستیگه نیچه هاوان آتگن. سلما توغانی نینگ امنیتی کندک قومندانی گه کوره، بو هاوان اوشبو توغان نینگ اطرافیده اصابت قیلگن.
اوروش میدانی گه بارگن قندهار حاکمی روح‌الله خان‌زاده و بو ولایت پولیس قومندانی محمدسالم احساس خبرچیلر بیلن صحبت اوتکزیب ایتیش‌لریچه، بوگون ایرته‌لب قندهار شهری و بو ولایت مرکزی قماقخانه‌سی نینگ نظارت گه آلیش هجوم اویوشتیرگن طالبان جنگریلری شهردن تشقری هیدلگن.
بادغیس حاکمی حسام‌الدین شمس نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگن و بو گروه جنگریلری بادغیس مرکزی قلعه‌نو شهری گه داخل بولگن. شونینگدیک بادغیس ولایتی کینگش باشلیغی عبدالعزیز بیک نینگ سلام‌وطندارگه ایتیشیچه، بو ولایت برچه تومنلری طالبان قولیگه سقوط قیلگنیدن کیین، حاضر مذکور گروه جنگریلری اوزلرینی اوشبو ولایت مرکزی قلعه‌نو شهری گه ییتیشتیرگن.
سلما توغانی نینگ امنیتی کندک قومندانی الله‌محمد همدرد نینگ سلام‌وطندارگه ایتیشیچه، طالبان جنگریلری بوگون ایرته‌لی هرات نینگ چشت تومنیده قرار تاپگن، اوشبو توغان نینگ امنیتی قرارگاهی اوستیگه هجوم قیلگن. سلما توغانی نینگ امنیتی کندک قومندانی گه کوره، مذکور هجوم نتیجه‌سیده بو توغان نینگ ۱۶ قوریقچیسی هلاک ایتیلگن.
تخار ولایتیدن آتی فاش ایتیلیشی نی ایستمه‌گن امنیتی بیر منبع نینگ سلام‌وطندارگه ایتیشیچه، اوتگن کیچه بو ولایت رستاق تومنی نینگ «دیوار تنگ» منطقه‌سیده، طالبان هجومی باعث چیگره کندک قومندانی شامل ۷ حربی هلاک و بو حربی‌لردن باشقه ۱۲ ته‌سی ایسه تن جراحتی کوتارگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش